سعودی عرب: ورچوئل ویٹ لفٹنگ ٹائٹل العنود الخلیفی کے نام

تمام پریکٹس سیشنز کے دوران العنود الخلیفی نے سب سے زیادہ پوائنٹ حاصل کئے جبکہ العنود الشہری دوسرے اور منیرہ الرویتع نے تیسری پوزیشن حاصل کی

ورچوئل ویٹ لفٹنگ ٹائٹل سعودی عرب کی العنود الخلیفی کے نام
ورچوئل ویٹ لفٹنگ ٹائٹل سعودی عرب کی العنود الخلیفی کے نام
user

قومی آوازبیورو

ریاض: سعودی عرب سے تعلق رکھنے والی ایک ویٹ لفٹر العنود الخلیفی نے ویٹ لفٹنگ کے ورچوئل مقابلے میں حصہ لیتے ہوئے ٹائٹل جیت لیا۔ ویٹ لفٹنگ کی دو روزہ تقریب ویزیول ایپلی کیشن پر منعقد ہوئی اور مقابلے میں 8 خواتین امیدواروں نے حصہ لیا۔ مقابلے کا اہتمام سعودی فیڈریشن آف ریموٹ ویٹ لفٹنگ کی جانب سے کرایا گیا تھا۔

ویٹ لفٹنگ کے ورچوئل مقابلے میں الجزائر کی ویٹ لفٹنگ ٹیم کے لیے سعودی کوچ عبدالمجید بولحیہ کی نگرانی میں ٹریننگ ٹیسٹوں میں کواڈرن کے مابین زبردست مقابلہ دیکھنے میں آیا۔


چیمپین شپ کے مقابلوں کے لیے سعودی فیڈریشن برائے ویٹ لفٹنگ کے بورڈ آف ڈائریکٹرز کے چیئرمین محمد الحربی نے کورونا وائرس کی وجہ سے پیدا ہونے والی صورت حال میں ویٹ لفٹنگ کے ورچوئل مقابلے کےلیے قابل قدر کوششیں کیں۔ مقابلے میں العنود الشہری دوسرے اور منیرہ الرویتع نے تیسری پوزیشن حاصل کی ہے۔

محمد الحربی نے کہا کہ مقابلہ کا انعقاد اہم طور پر ویٹ لفٹروں کی فٹنس اور کورونا وائرس کی وبا کے بعد نافذ لاک ڈاؤں کے دوران ان کے مشق کے تئیں عزائم کا جائزہ لینے کے لئے کیا گیا۔ اس ایونٹ کا مقصد آئندہ قومی اور بین الاقوامی ویٹ لفٹنگ کے مقابلوں کی تیاری کرنا تھا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔