کورونا بحران: راہل گاندھی اور نکولس برنس کے درمیان خصوصی گفتگو کل

راہل گاندھی نے کورونا بحران کے درمیان ہندوستان اور دنیا کی مشہور و معروف ہستیوں سے خصوصی گفتگو کا ایک سلسلہ شروع کیا ہے اور اس کے تحت جمعہ (12 جون) کی صبح 10 بجے وہ سفارت کار نکولس برنس سے بات چیت کریں گے۔ ان کی گفتگو کا موضوع بنیادی طور پر کورونا بحران اور ممالک پر پڑنے والے اس کے اثرات رہے گا۔ اس درمیان کورونا بحران کے بعد مختلف ممالک میں کس طرح کے رشتے ہموار ہو سکتے ہیں اور اس وقت کس طرح کے اقدامات کی ضرورت ہے، اس پر بھی باتیں ہوں گی۔ راہل گاندھی اور ہارورڈ کینیڈی اسکول میں پروفیسر آف ڈپلومیسی نکولس برنس کی گفتگو راہل گاندھی کے سبھی سوشل میڈیا پلیٹ فارمس پر براہ راست دیکھی جا سکے گی۔