ویڈیو: ’میری بات‘ میں روس اور یوکرین جنگ کی موجودہ صورتحال اور ممکنہ انجام کا تجزیہ

روس اور یوکرین کے درمیان جاری جنگ 2026 میں بھی ختم نہیں ہو سکی اور اس کے اثرات محاذِ جنگ سے کہیں آگے تک پھیل چکے ہیں۔ پروگرام ’میری بات‘ کی قسط 17 میں قومی آواز کے ڈیجیٹل ایڈیٹر سید خرم رضا نے جنگ کی موجودہ صورتحال، اس کے پس منظر اور ممکنہ انجام کا جائزہ لیا۔

پروگرام میں بتایا گیا کہ روس اور یوکرین ایک دوسرے کے خلاف ڈرون اور طویل فاصلے تک مار کرنے والے ہتھیار استعمال کر رہے ہیں، جس کے نتیجے میں شہری علاقوں اور بنیادی ڈھانچے کو نقصان پہنچ رہا ہے۔ اقوام متحدہ کے مطابق اگست 2026 میں یوکرین میں کم از کم 372 شہری ہلاک اور 2349 زخمی ہوئے۔

قسط میں جنگ کی جڑوں کو 2014 کے کریمیا اور ڈونباس تنازعہ سے جوڑتے ہوئے 2022 میں مکمل جنگ میں تبدیل ہونے کے مراحل کا جائزہ لیا گیا۔ اقوام متحدہ کی جنرل اسمبلی نے 2014 میں کریمیا کی حیثیت میں تبدیلی کو تسلیم نہ کرنے کا مطالبہ کیا تھا۔ پروگرام میں روس، یوکرین اور مغربی ممالک کے موقف کے ساتھ یورپی سلامتی، توانائی، خوراک اور عالمی سفارت کاری پر جنگ کے اثرات کا بھی تجزیہ کیا گیا۔