ویڈیو: ’میری بات‘ میں اسرائیلی انتخابات اور نیتن یاہو کے سیاسی مستقبل کا تجزیہ

اسرائیل میں 27 اکتوبر 2026 کو ہونے والے کنیست انتخابات نیتن یاہو کے سیاسی مستقبل سمیت ملک کی آئندہ سیاسی سمت کے لیے اہم قرار دیے جا رہے ہیں۔ 120 رکنی کنیست کے انتخابات میں ووٹر براہِ راست وزیراعظم کا انتخاب نہیں کرتے بلکہ سیاسی جماعتوں کو ووٹ دیتے ہیں، جبکہ حکومت سازی کے لیے 61 ارکان کی حمایت درکار ہوتی ہے۔

قومی آواز کے پروگرام ’میری بات‘ کی اس قسط میں ڈیجیٹل ایڈیٹر سید خرم رضا نے اسرائیلی انتخابات کے مختلف پہلوؤں کا تفصیلی تجزیہ کیا ہے۔ تجزیے میں نیتن یاہو کی طویل سیاسی زندگی، ان کی پارٹی، سابق فوجی سربراہ گادی آئزن کوٹ اور دیگر اپوزیشن جماعتوں کی پوزیشن، تازہ رائے عامہ کے جائزوں اور ممکنہ سیاسی اتحادوں کا جائزہ لیا گیا ہے۔

سید خرم رضا نے یہ بھی واضح کیا ہے کہ انتخابات میں کسی ایک جماعت کا سب سے زیادہ نشستیں حاصل کرنا لازماً حکومت سازی کی ضمانت نہیں، کیونکہ اصل اہمیت 61 ارکان کی حمایت حاصل کرنے کی ہے۔ اس کے علاوہ غزہ جنگ، اسرائیل کی سلامتی، عدلیہ، فوجی خدمت اور ریاست و مذہب کے تعلق جیسے اہم معاملات بھی انتخابی بحث کے تناظر میں زیرِ غور آئے ہیں۔

’میری بات‘ کی اس قسط کا مکمل تجزیہ دیکھنے کے لیے ویڈیو لنک پر کلک کریں۔