ویڈیو: حکومت کی آمریت کے خلاف خواتین میدان میں 

سی اے اے اور این آر سی کے خلاف ہندوستان آج ایک میدان جنگ میں تبدیل ہو چکا ہے، اس دوران ہندوستان کی ہر عمر کی خواتین جس انداز میں حکومت کو للکار رہی ہیں اس نے عوامی احتجاج میں ایک نئی جان پھونک دی ہے

user

قومی آوازبیورو

سی اے اے اور این آر سی کے خلاف ہندوستان آج ایک میدان جنگ میں تبدیل ہو چکا ہے، اس دوران ہندوستان کے مختلف شعبہ حیات سے تعلق رکھنے والی ہر عمر کی خواتین جس انداز میں حکومت کو للکار رہی ہیں اس نے اس عوامی احتجاج میں ایک نئی جان پھونک دی ہے۔ خواتین اور خاص کر طالبات نے تو احتجاج کے ایسے طریقوں کو استعمال کیا ہے کہ لاٹھی پھٹکارنے والے پولیس اہلکار بھی یا تو شرما جاتے ہیں یا پھر مسکرا کر رہ جاتے ہیں۔

بہوجن ٹی وی اور اے آر نیوز کی ایک ایسی ویڈیوز سوشل میڈیا پر وائرل ہوئی ہیں جو بتاتی ہیں کہ خواتین کتنی بیدار ہیں، ان ویڈیو کو عوام میں بہت مقبولیت حاصل ہو رہی ہے۔


خواتین کی منفرد انداز والی متعدد ویڈیوز کی ان دنوں سوشل میڈیا میں بھرمار ہے۔ خاص بات یہ ہے کہ خواتین اور طالبات کا یہ احتجاج محض دہلی تک ہی محدود نہیں ہے بلکہ ملک کے متعدد شہروں میں خواتین سڑکوں پر اتر کر صدائے احتجاج بلند کر رہی ہیں۔

جامعہ میں 16 دسمبر کو پولیس نے طالبات کو لاٹھیوں سے بھی پیٹا ٹھا لیکن ان کے حوصلہ پست نہیں ہوئے۔ کیرالہ سے تعلق رکھنے والی دو طالبات کی ویڈیو سب سے پہلے وائرل ہوئی تھی جو اپنے ایک ساتھی کو بچانے کے لئے پولیس کے سامنے ڈٹ گئی تھں۔ اس واقعہ کی تصویر کو بین اقوامی سطح پر پذیرائی حاصل ہو رہی ہے۔

اس کے علاوہ 19 دسمبر کو جنتر منتر پر احتجاج کے دوران ایک لڑکی کی طرف سے پولیس اہلکار کو گلاب کا پھول پیش کیے جانے کی بھی ستائش کی جا رہی ہے۔ پھول پیش کر کے لڑکیاں نفرت کے بدلے محت کا پیغام دے رہی ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔