ویڈیو: ادب نامہ میں بشر نواز کی شخصیت، اسلوب اور شاعری پر گفتگو

معین شاداب نے ادب نامہ کی 51ویں قسط میں بشر نواز کی شاعری اور خدمات پر گفتگو کی۔ انہوں نے اورنگ آباد و حیدرآباد کے ادبی ماحول اور مخدوم محی الدین کی سرپرستی کا ذکر کیا۔ شاداب کے مطابق، بشر نواز کی رومانوی شاعری ذاتی دکھ کو مشترک انسانی کرب، محرومی اور سماجی شعور سے جوڑتی ہے۔ ان کے کلام میں ترقی پسند، کلاسیکی، جدید اور مابعد جدید رجحانات نمایاں ہیں۔ ان کے شعری آہنگ، موسیقیت، زبان، پیکر تراشی اور دکنی وابستگی پر بات ہوئی۔

معین شاداب نے منتخب اشعار سنائے اور ان کی تشریح کی۔ فلم بازار کا نغمہ ’کرو گے یاد تو ہر بات یاد آئے گی‘، مجموعے ’رائیگاں‘ و ’اجنبی سمندر‘ اور تنقیدی کتاب ’نئے ادب، نئے مسائل‘ بھی زیر بحث آئے۔ اختتام پر نئی نسل کے لیے بشر نواز کی شاعری اور آج کے دور میں زبان، تہذیب و اقدار سے جڑے رہنے کی اہمیت اجاگر کی گئی۔ یہ ادب نامہ قومی آواز، نیشنل ہیرالڈ اور نوجیون کی مشترکہ پیشکش ہے۔