ویڈیو: ادب نامہ میں والی آسی کی شاعری اور شخصیت پر خصوصی گفتگو

نیشنل ہیرالڈ، نوجیون اور قومی آواز کے مشترکہ ادبی پروگرام ’ادب نامہ‘ کی تازہ نشست معروف شاعر والی آسی کے نام رہی، جس میں شاعر و ادیب معین شاداب نے ان کی شخصیت، شاعری اور ادبی خدمات پر تفصیلی گفتگو کی۔ نشست میں والی آسی کی شاعری کی سادگی، احساس اور فکری گہرائی پر روشنی ڈالی گئی۔

معین شاداب نے کہا کہ والی آسی صرف شاعر نہیں بلکہ اپنے عہد کی ایک مکمل ادبی انجمن تھے۔ لکھنؤ کے آمین آباد میں قائم ان کا ’مکتبہ دین و ادب‘ ادیبوں، شاعروں اور صحافیوں کی اہم بیٹھک سمجھا جاتا تھا۔ پروگرام میں منور رانا سے متعلق ایک دلچسپ واقعہ بھی بیان کیا گیا، جس میں والی آسی کی شفقت اور دعا کا ذکر تھا۔ اس دوران والی آسی کے کئی مقبول اشعار بھی سنائے گئے۔ نشست میں ان کی شاعری کے انسانی، سماجی اور جذباتی پہلوؤں پر بھی گفتگو ہوئی۔