’میں نے تیار کی قتل کی سازش‘، سونالی پھوگاٹ کے پرسنل اسسٹنٹ سدھیر کا اعتراف گناہ!

ٹک ٹاک اسٹار اور بی جے پی لیڈر سونالی پھوگاٹ کی موت کے معاملے میں ایک بڑا انکشاف ہوا ہے۔ موصولہ اطلاعات کے مطابق سونالی پھوگاٹ کے پرسنل اسسٹنٹ اور ملزم سدھر سانگوان ہی اس پورے قتل واقعہ کا ماسٹر مائنڈ تھا۔ کچھ نیوز ویب سائٹس پر چل رہی خبروں پر یقین کیا جائے تو گوا پولیس کے ذرائع کے حوالے سے خبر ہے کہ سدھیر سانگوان نے سونالی پھوگاٹ کی موت سے متعلق سازش تیار کرنے کا اعتراف کر لیا ہے۔ پولیس نے بتایا کہ گوا میں کسی شوٹنگ کا منصوبہ نہیں تھا، سونالی کو گوا لے جانا ایک سازش کا حصہ تھا۔ یعنی سونالی پھوگاٹ کے قتل کی سازش کے تحت انھیں گڑگاؤں سے گوا لے جایا گیا تھا۔