ویڈیو: چین معاملہ پر راہل گاندھی کا الزام ’پی ایم مودی 2014 سے ہی غلطیاں کر رہے ہیں‘

کانگریس لیڈر راہل گاندھی نے آج ایک ویڈیو جاری کر پی ایم مودی پر 2014 سے ہی غلطیاں کرنے اور ملک کو کمزور بنانے کا الزام عائد کیا۔ چین تنازعہ کے تعلق سے اپنے پہلے ویڈیو میں انھوں نے کہا کہ ”سال 2014 سے ہی وہ بڑی غلطیاں کر رہے ہیں جس نے اصولی طور پر ملک کو کمزور بنا دیا ہے اور ہمیں ایسا بنا دیا ہے کہ غیر محفوظ ہو گئے ہیں۔“ ویڈیو کے شروع میں ہی راہل گاندھی نے یہ سوال قائم کیا ہے کہ آخر چین نے ایل اے سی پر حملہ کرنے کے لیے ابھی کا وقت کیوں منتخب کیا؟ ہندوستان کی موجودہ حالت میں ابھیا یسا کیا ہے جس نے چین کو جارحانہ رخ اختیار کرنے کا موقع دیا؟ ان سوالات کو اٹھانے کے ساتھ ساتھ چین تنازعہ کے تعلق سے راہل گاندھی نے ویڈیو میں کئی اہم باتیں رکھی ہیں۔ قومی آواز کے قارئین کے لیے پیش ہے یہ ویڈیو...