عربی گھوڑے پر سوار ننھی بچی کے کرتب نے لوگوں کو کیا حیران، دیکھیں ویڈیو

سوشل میڈیا پر ایک ویڈیو خوب وائرل ہو رہا ہے جس میں بمشکل 8 سے 10 سال کی ایک بچی گھوڑے پر سواری کر رہی ہے۔ یہ ویڈیو 5 مئی کو عرب کی کمپنی 'شارک اینڈ شرمپ' کے چیف ایگزیکٹیو افسر محمد نعیم نے اپنے آفیشیل ٹوئٹر ہینڈل سے شیئر کیا ہے جو لوگوں میں کافی پسند کیا جا رہا ہے۔ ویڈیو کے ساتھ محمد نعیم نے یہ بھی لکھا ہے کہ ”میں ان لمحات میں اس (بچی) کے جذبات کا اندازہ لگا سکتا ہوں۔ یہ غالباً اس کی زندگی کا خوبصورت احساس ہے۔“ ویڈیو میں ننھی بچی گھوڑے پر سوار ہوتی ہے اور پھر عربی نسل کا ظاہر ہونے والا گھوڑا سڑک پر جیسے طوفان سے باتیں کرنے لگتا ہے۔ اس تیز رفتاری میں بچی نے کچھ ایسے کرتب دکھائے جسے دیکھ کر ہر کوئی انگشت بہ دنداں رہ گیا۔ یہ ویڈیو آپ بھی دیکھیں اور محظوظ ہوں۔