مرنال کی بیٹھک: بزرگ لیڈروں سے بی جے پی کی بے دِلی اور ’نیائے‘ سے پیدا بوکھلاہٹ

مرنال کی بیٹھک کی اس قسط میں تذکرہ کیا جا رہا ہے بی جے پی میں اپنے سینئر اور بزرگ لیڈر کے تئیں پیدا بے رخی کے تعلق سے۔ بی جے پی نے اپنے سینئر لیڈروں کو باہر کا راستہ دکھا دیا اور انھیں کسی بھی طرح سے اپنے بھروسے میں نہیں لیا۔ ایسے لیڈران جنھوں نے بی جے پی کو عروج بخشا اور اس پارٹی کو اقتدار کی اونچائی تک پہنچایا، انھیں جس طریقے سے کنارہ کش کیا گیا ہے وہ افسوسناک ہے۔ اس کے علاوہ لوک سبھا انتخابات کے موقع پر کانگریس کے ’نیائے‘ منصوبہ یعنی کم از کم آمدنی منصوبہ پر بھی مرنال پانڈے نے بات کی ہے۔ اس منصوبہ کے اعلان کے بعد سے ہی برسراقتدار طبقہ میں بوکھلاہٹ نظر آنے لگی ہے۔ ساتھ ہی نمن گورا دیوی کو بھی یاد کیا گیا ہے جن کی چپکو تحریک کی 26 مارچ کو برسی تھی۔