ویڈیو: اتراکھنڈ کے سابق وزیر اعلیٰ تریویندر سنگھ راوت کو ہاتھی نے دوڑایا، بڑی مشکل سے بچی جان!

اتراکھنڈ کے سابق وزیر اعلیٰ تریویندر سنگھ راوت ستپتلی ہوتے ہوئے کوٹ دوار کی طرف جا رہے تھے۔ شام کے تقریباً 5 بجے کوٹ دوار-دوگڈا کے درمیان ٹوٹ گدیرے کے پاس اچانک ایک ہاتھی جنگل سے نکل کر سڑک پر آ گیا۔ اس وجہ سے سابق وزیر اعلیٰ کا قافلہ رک گیا۔ کچھ دیر تو سابق وزیر اعلیٰ اپنی گاڑی میں ہی بیٹھے رہے، لیکن جب ہاتھی نے ان کے قافلے کے قریب آنا شروع کر دیا تو وہ اپنے ساتھیوں سمیت گاڑیاں چھوڑ کر بھاگے۔ ہاتھی کے نزدیک آنے پر سابق وزیر اعلیٰ سمیت سبھی لوگوں کو اپنی گاڑی چھوڑ کر پہاڑ پر پناہ لینی پڑی۔ انھوں نے چٹان پر چڑھ کر جان بچائی۔ دیکھیے یہ ویڈیو۔