’کسانوں کو قصوروار ٹھہرانے کا بنایا جا رہا دباؤ‘، لکھیم پور تشدد میں ہلاک صحافی کے اہل خانہ کا الزام

لکھیم پور تشدد میں مارے گئے صحافی رمن کشیپ کے بھائی نے اپنے ایک بیان میں کہا ہے کہ ان کے گھر والوں پر کسانوں کے خلاف بیان دینے کا دباؤ بنایا جا رہا ہے۔ انھوں نے کہا کہ یہ دباؤ بنانے کی کوشش ہو رہی ہے کہ رمن کے قتل کے لیے کسانوں کو قصوروار ٹھہرائیں نہ کہ مرکزی وزیر اجے مشرا ٹینی کے بیٹے آشیش اور اس کے ساتھیوں کو۔