ٹوکیو اولمپکس: مکہ باز لولینا نے تاریخ رقم کی، ہندوستان کے لئے ایک اور تمغہ یقینی بنایا

لولینا اولپکس میں مکہ بازی کے سیمی فائنل میں پہنچنے میں کامیاب ہو گئی ہیں، اسی کے ساتھ ہندوستان کا ایک اور تمغہ یقینی ہو گیا ہے، اس سے قبل ویٹ لفٹ میرابائی چانو ہندوستان کو چاندی کا تمغہ دلا چکی ہیں

ہندوستانی مکہ باز لولینا برگوہین / آئی اے این ایس
ہندوستانی مکہ باز لولینا برگوہین / آئی اے این ایس
user

قومی آوازبیورو

ٹوکیو: ہندوستانی خاتون مکہ باز لولینا بورگوہین نے ٹوکیو اولمپکس 2020 کے آج 8ویں دن تاریخ رقم کر دی ہے۔ وہ مکہ بازی مقابلوں کے سیمی فائنل میں پہنچ گئی ہیں اور اسی کے ساتھ ہندوستان کا ایک اور تمغہ یقینی ہو گیا ہے۔ لولینا نے خواتین کے 69 کلوگرام کے زمرے کے کوارٹر فائنل میں چینی تائپے کی مکہ باز نین چِن چین کو 4-1 سے شکست دی۔

لولینا بورگوہین کا تمغہ اولپکس کے باکسنگ مقابلوں کی تاریخ میں ہندوستان کا تیسرا میڈل ہوگا۔ اس سے قبل بیجنگ اولمپکس 2008 میں وجندر سنگھ اور لندن اولپکس 2012 میں ایم سی میری کام نے کانسی کے تمغے حاصل کئے تھے۔


کون ہیں لولینا بورگوہین؟

لولینا بورگوہین کی عمر 24 سال ہے اور ان کا تعلق آسام کے ایک چھوٹے سے گاؤں سے ہے۔ ان کے گاؤں کا نام برومکھیا ہے جوکہ گولاگھاٹ ضلع میں واقع ہے۔ دو مرتبہ عالمی چیمپین شپ میں تمغہ حاصل کر چکیں لولینا آسام کی پہلی باکسر ہیں جنہوں نے اولمپکس کے لئے کوالیفائی کیا ہے۔ 1.77 میٹر قد کی لولینا ٹوکیو اولمپکس کے 69 کلوگرام زمرے میں حصہ لے رہی ہیں۔

ٹوکیو اولپکس میں آج تیراندازی میں ہندوتان کو جیت ملی تو نشانہ بازی میں پھر سے ہار کا سامنا کرنا پڑال تیر انداز دیپیکا کماری نے پری کوارٹر فائل کا مقابلہ جیت کر آخری 8 کھلاڑیوں میں مقام حاصل کر لیا۔ جبکہ نشانہ باز منو بھاکر نے ایک بار پھر مایوس کیا۔ وہ 25 میٹر ایئر پسٹل کے فائنل میں مقام نہیں بنا پائی۔ منو بھاکر کو اب ٹوکیو اولمپکس سے خالی ہاتھ واپس لوٹنا ہوگا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


Published: 30 Jul 2021, 9:25 AM