ہندستان میں فیفا انڈر 17 خاتون ورلڈ کپ کی تیاریوں پر تبادلہ خیال

23 جون کو خواتین ورلڈ کپ کی نئی تاریخ کے اجراء کے بعد ٹورنامنٹ کی تیاری کے لئے مہاراشٹر میں یہ پہلا اہم اجلاس ہے۔ انڈر 17 خاتون ورلڈ کپ 2021 میں 17 فروری سے 7 مارچ تک ہندستان میں ہوگا۔

تصویر سوشل میڈیا
تصویر سوشل میڈیا
user

یو این آئی

ممبئی: فیفا انڈر 17 خاتون ورلڈ کپ کے مقامی آرگنائزنگ کمیٹی کی ویڈیو کانفرنس مہاراشٹر کے کھیلوں کے وزیر سنیل کیدار، ویسٹرن انڈیا فٹ بال ایسوسی ایشن کے نائب صدر اور ریاستی سیاحت اور ماحولیات کے وزیر آدتیہ ٹھاکرے نے ٹورنامنٹ کی تیاریوں کے بارے میں تبادلہ خیال کیا۔ 23 جون کو خواتین ورلڈ کپ کی نئی تاریخ کے اجراء کے بعد ٹورنامنٹ کی تیاری کے لئے مہاراشٹر میں یہ پہلا اہم اجلاس ہے۔ انڈر 17 خاتون ورلڈ کپ 2021 میں 17 فروری سے 7 مارچ تک ہندستان میں ہوگا۔

اس ٹورنامنٹ کا انعقاد رواں سال نومبر میں ہونا تھا لیکن کورونا کی وجہ سے اسے اگلے سال ملتوی کردیا گیا۔ احمد آباد، بھوبنیشور، گوہاٹی، کولکتہ اور نوی ممبئی ٹورنامنٹ کے پانچ میزبان شہر ہیں اور 16 ٹیموں کے 32 میچوں کی میزبانی کریں گے۔ افتتاحی میچ گوہاٹی میں 17 فروری کو کھیلا جائے گا جبکہ فائنل 7 مارچ کو نوی ممبئی میں ہوگا۔

سنیل کیدار نے کہا کہ تیاریوں کے سلسلے میں پچھلے سال ہونے والی پیشرفت کے بارے میں جان کر میں بہت خوش ہوں۔ اس ٹورنامنٹ کی میزبانی کرنا مہاراشٹرا کے لئے بہت اعزاز کی بات ہے۔ کھیل وقت کی ضرورت ہے۔ مہاراشٹر کے محکمہ کھیل نے ٹورنامنٹ کو کامیاب بنانے کے لئے مکمل تعاون اور مدد کی یقین دہانی کرائی ہے۔ اس اجلاس سے ورلڈ کپ کی ضروریات کو مزید اچھی طرح سے سمجھنے میں مدد ملے گی۔

آدتیہ ٹھاکرے نے کہا کہ ہمیں انڈر 17 خاتون ورلڈ کپ کی میزبانی پر فخر ہے۔ نوی ممبئی نے 2017 میں کامیابی کے ساتھ ٹورنامنٹ کا انعقاد کیا۔ پچھلے کچھ مہینوں میں کورونا وائرس (کووڈ ۔19) وبا کی وجہ سے مشکل تھا لیکن ہم جانتے ہیں کہ صورتحال میں بہتری آئے گی۔ کھیل مشکلات پر قابو پانے کا ایک بہت اچھا طریقہ ہے۔ آنے والے مہینوں میں ہم کھیلوں میں خواتین کی ترقی اور فٹ بال میں ان کی شرکت کو فروغ دینے کے لئے پروگرام شروع کریں گے۔ مہاراشٹر ملک میں خواتین کے پہلے فٹ بال ورلڈ کپ ایونٹ کو کامیاب بنانے کے لئے سخت محنت کرے گا۔

next