پاکستان۔ سری لنکا میچ میں وبال، کیچ  کے لیے پاکستانی کھلاڑی امپائر سے متصادم، سیریز پر میزبان کا قبضہ

پاکستان نے سری لنکا کو شکست دے کر سہ فریقی ٹی20 سیریز پر قبضہ کرلیا ہے۔ ہفتے کے روز پاکستان کے راولپنڈی کرکٹ اسٹیڈیم میں ہوئے خطابی مقابلے میں پاکستان نے 6 وکٹ سے جیت حاصل کی۔ سری لنکا نے پاکستان کو جیت کے لیے 115 رنوں کا ہدف دیا تھا جسے میزبان ٹیم نے 8 گیند باقی رہتے حاصل کر لیا۔ پاکستانی ٹیم نے جیت تو حاصل کرلی مگر خطابی مقابلے میں سب سے بڑا موضوع تھرڈ امپائر کا متنازعہ فیصلہ رہا جس نے پاکستانی کھلاڑیوں فخر زمان اور شاہین آفریدی کو ناراض کیا۔ پاکستانی کھلاڑی میدان میں ہی امپائر سے متصادم ہوگئے۔ یہ واقعہ سری لنکا کی اننگز کے 19 ویں اوور میں پیش آیا۔

اس اوور میں شاہین آفریدی نے پہلی گیند کچھ سست پھینکی تھی جس پر سری لنکا کے کپتان دسن شناکا نے فلک شاٹ کھیلنے کی کوشش کی۔ شاٹ کی ٹائمنگ سہی نہیں تھی اور گیند بلے کا کنارہ لے کرتھرڈ مین کی طرف گئی۔ وہاں موجود فخر زمان نے لمبی دوڑ لگا کرایک شاندار ڈرائیونگ کیچ لیا۔ پاکستانی کھلاڑی مان چکے تھے کہ یہ صاف کیچ ہے اور جشن منانا شروع کردیا۔ حالانکہ تھرڈ امپائر راشد ریاض نے کئی بار ری پلے دیکھنے کے بعد بلے باز کو ناٹ آؤٹ قرار دیا۔ ریاض کا ماننا تھا کہ گیند زمین کو چھو گئی تھی۔ اس فیصلےسے فخر زمان مشتعل ہوگئے۔ شاہین آفریدی بھی ٹی وی امپائر باکس کو دیکھتے رہ گئے۔ میدان پر موجود پاکستان کے سبھی کھلاڑی حیران نظرآئے۔

حالانکہ اگلی ہی گیند پر پاکستانی ٹیم کو داسن شناکا کی وکٹ مل گئی۔ شاہین آفریدی نے شناکا کو سست گیند پر بولڈ کردیا۔ شاہین اور فخر زمان نے اس وکٹ پر پرجوش انداز میں جشن منایا اور امپائر کے باکس کی طرف اشارہ کرکے پہلے والے فیصلے کا مذاق اڑایا۔ شاہین نے اپنے دونوں ہاتھ ایسے اٹھائے گویا امپائر سے کہہ رہے ہوں،’اب سب ٹھیک ہے‘۔

مقابلے کے دوران ایک موقع پر سری لنکا کا اسکور ایک وکٹ کے نقصان پر 84 رنز تھا لیکن اس کے بعد سری لنکا کی ٹیم نے صرف 30 رن اور بنائے اور اس کے باقی 9 وکٹ ایک کے بعد ایک کرکے گرتے رہے۔ سری لنکا کی جانب سے کامل مشارا نے سب سے زیادہ 59 رنز بنائے۔ وہیں پاکستان کی جانب سے شاہین آفریدی اور محمد نواز نے 3-3 وکٹیں حاصل کیں۔ رن کے تعاقب میں پاکستانی ٹیم کی جانب سے بابر اعظم نے 37* اور سیم ایوب نے 36 رنز بنائے۔