دولت مشترکہ LIVE: شریسی کو طلائی اور انکر کو کانسے کا تمغہ حاصل

ہندوستان نے 21ویں دولت مشترکہ کھیلوں کے 7 ویں دن کا آغاز کانسہ تمغے کے ساتھ کیا اور کچھ ہی دیر بعد نشانہ باز شریسی سنگھ نے خواتین کے ڈبل ٹریپ مقابلہ میں طلائی تمغہ جیت لیا۔ فائنل میں شریسی نے شوٹ آف کے بعد 96+ کا اسکور کیا۔ انہوں نے آسٹریلیائی حریف ایما کوکس (96 + 1) کو پیچھے کر دیا۔ غور طلب ہے کہ شریسی اور ایما 96 کے اسکور پر برابر رہی تھیں جس کے بعد شاٹ آف سے فیصلہ ہوا۔

مردوں کے ڈبل ٹریپ مقابلہ میں انکر متل نے کانسے کا تمغہ جیتا۔ انہوں نے فائنل میں 53 کا اسکور بنایا۔ اس مقابلہ کا طلائی تمغہ اسکاٹ لینڈ کے ڈیڈ مک میتھ کو حاصل ہوا، انہوں نے 74 کا اسکور کیا جوکہ دولت مشترکہ کھیلوں کا ریکارڈ ہ۔ آئل آف مین کے ٹم نیل (70) نے اس مقابلہ کا چاندی کا تمغہ جیتا۔ وہیں دیگر ہندوستان شوٹر اشب محمد 43 کے اسکور کے ساتھ چوتھے مقام پر رہے۔

ہندوستان نے 21ویں دولت مشترکہ کھیلوں میں اب تک 12 طلائی، 4 چاندی اور 8 کانسے کے تمغے حاصل کر لئے ہیں اور کل 24 تمغوں کے ساتھ میڈل ٹیلی میں وہ آسٹریلیا اور انگلینڈ کے بعد تیسرے مقام پر برقرار ہے۔ ہندوستان کے شوٹنگ مقابلوں کے کل تمغوں کی تعاد 11 ہو گئی ہے جن میں 4 طلائی تمغے شامل ہیں۔ ویٹ لفٹنگ میں ہندوستان نے 5 طلائی تمغوں کے ساتھ 9 تمغے حاصل کر لئے ہیں۔

ایم سی میری کام نے بدھ کو باکسنگ کے 48 کلو زمرے میں سری لنگا کی انوشا کو ہرا کر فائنل میں مقام بنا لیا ہے۔ انہوں نے انوشا کو 5-0 سے شکست دی۔ اس طرح ان کا چاندی کا تمغہ یقینی ہو گیاہے۔ اب ہو فائنل میں 14 اپریل کو ناردرن آئرلینڈ کی کرسٹین اوہارا کے مد مقابل ہوں گی۔ ایم سی میری کام پہلی دفعہ دولت مشترکہ کھیلوں میں حصہ لے رہی ہیں۔