عالمی رہنما عمران خان کی جلد صحت یابی کے لیے دعاگو

سعودی عرب کے شاہ سلمان اور ولی عہد محمد بن سلمان سميت کئی عالمی رہنماؤں نے وزیر اعظم پاکستان کی جلد صحت یابی کے لیے نیک تمناؤں کا اظہار کیا۔ عمران خان ميں ہفتے کو کورونا وائرس کی تشخيص ہوئی تھی۔

عالمی رہنما وزیراعظم کی جلد صحت یابی کے لیے دعاگو
عالمی رہنما وزیراعظم کی جلد صحت یابی کے لیے دعاگو
user

Dw


پاکستانی وزیر اعظم عمران خان کا گزشتہ ہفتے کے دن کورونا وائرس کا ٹيسٹ مثبت آيا تھا۔ وائرس میں مبتلا ہونے کی خبر عام ہوتے ہی انہیں متعدد عالمی رہنماؤں کی جانب سے جلد صحت یابی کے پیغامات موصول ہونا شروع ہو گئے۔ ایشیا کے کئی ملکوں سمیت مشرق وسطیٰ، امریکا اور یورپ کے کئی رہنماؤں اور سفارت کاروں نے اپنے پیغامات میں وزیراعظم عمران خان کی تندرستی کے لیے نیک خواہشات کا اظہار کیا۔

بھارتی وزیر اعظم نریندر مودی نے ہفتے کے روز ہی اپنے ٹوئٹر ہینڈل سے وزیر اعظم عمران خان کے لیے کووڈ انيس سے جلد صحت یابی کے لیے نیک تمناؤں کا اظہار کیا۔

سعودی پریس ایجنسی نے پیر کے روز بتایا کہ سعودی شاہ اور ولی عہد نے وزیر اعظم کو ٹیلی گرام کے ذریعے صحت یابی کے پیغامات بھیجے۔ چینی سفیر لونگ رونگ نے اپنی ٹویٹ میں وزیراعظم کے لیے کووڈ انيس سے صحت یابی کی تمنا کا اظہار کیا۔

اسی طرح ایرانی سفیر سید محمد علی حسینی نے لکھا کہ، ’’اللہ آپ کو اور خاتون اول کو جلد صحت یابی عطا کرے۔‘‘ پاکستان کے قريبی اتحادی ملک ترکی کے مندوب مصطفیٰ یار دہکول نے بھی جلد صحت یابی کے ليے دعا کی۔

جرمنی کے سفیر برنارڈ شلاگیک نے کہا کہ ان کے ’خیالات اور دعائیں پاکستانی وزیراعظم اور ان کے اہل خانہ کے ساتھ ہیں۔‘ افغان قومی مفاہمت کی اعلی کونسل کے چیئرمین ڈاکٹر عبداللہ عبداللہ نے بھی ٹویٹ کی اور نیک خواہشات کا اظہار کیا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔