پانچ سوٹ کیسوں میں دو ملین پاؤنڈ کیش، خاتون مسافر گرفتار

برطانوی پولیس نے لندن کے ہیتھرو ایئر پورٹ سے ایک ایسی خاتون کو گرفتار کر لیا، جو نقد رقوم سے کھچا کھچ بھرے ہوئے پانچ سوٹ کیس ساتھ لے کر دبئی جا رہی تھی۔

پانچ سوٹ کیسوں میں دو ملین پاؤنڈ کیش، خاتون مسافر گرفتار
پانچ سوٹ کیسوں میں دو ملین پاؤنڈ کیش، خاتون مسافر گرفتار
user

ڈی. ڈبلیو

لندن سے بدھ سات اکتوبر کو ملنے والی رپورٹوں میں یو کے بارڈر فورس کا حوالہ دیتے ہوئے بتایا گیا ہے کہ اس 30 سالہ خاتون کا نام تارا ہینلن ہے، اور وہ ہیتھرو سے ایک کمرشل فلائٹ کے ذریعے متحدہ عرب امارات میں دبئی کے لیے پرواز کرنا چاہتی تھی۔

گیٹ وِک ایئر پورٹ کا نظام ڈرون سے متاثر کرنے پر دو گرفتار

اس خاتون کے پاس جو پانچ سوٹ کیس تھے، وہ برطانوی کرنسی سے کھچا کھچ بھرے ہوئے تھے۔ شمالی انگلینڈ میں لیڈز کی رہنے والی یہ خاتون گزشتہ ہفتے کے روز دبئی جانے والی تھی کہ ایئر پورٹ حکام نے اسے روک لیا۔

شک پڑنے پر جب یوکے بارڈر فورس کے اہلکاورں نے اس خاتون کے سوٹ کیسوں کی تلاشی لی تو ان میں سے 1.9 ملین پاؤنڈ کے کرنسی نوٹ برآمد ہوئے۔ یہ رقم 2.44 ملین امریکی ڈالر کے برابر بنتی ہے۔

ہیتھرو: پی آئی اے کے جہاز کی تلاشی، عملہ حراست میں

حکام نے بتایا ہے کہ برطانیہ کے کسی بھی بارڈر پر بارڈر فورس کی طرف سے سال رواں کےدوران قبضے میں لی گئی یہ سب سے بڑی رقم ہے۔ اس خاتون کے خلاف منی لانڈرنگ کے الزم میں مقدمہ درج کر کے اسے گرفتار کر لیا گیا تھا۔

دنیا کا مصروف ترین ایئر پورٹ: دبئی انٹرنیشنل

پیر پانچ اکتوبر کو اسے ایک مقامی مجسٹریٹ کی عدالت میں پیش بھی کر دیا گیا۔ عدالت نے اسے پانچ نومبر تک پولیس کی تفتیشی تحویل میں دے دیا ہے۔

برطانوی حکومت کے مطابق وہ منی لانڈرنگ اور اس سے جڑے جرائم کے خلاف سخت اقدامات کر رہی ہے، تاکہ برطانیہ سے غیر اعلانیہ یا غیر قانونی طور پر باہر لے جائی جانے والی رقوم کو منظم جرائم کے لیے استعمال نہ کیا جا سکے۔

م م / ا ا (روئٹرز، اے ایف پی)

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔