ہاٹ ایئر بیلون کریش، ایک ہلاک، دو شدید زخمی

پولیس کے مطابق لینڈنگ کے وقت غبارہ ہواؤں کی رفتار تیز ہونے کے باعث بے قابو ہو گیا۔ ہاٹ ایئر بیلون متعدد بار زمین سے ٹکرایا، جس سے اس میں سوار چار لوگ باہر جا گرے۔

اس کے بعد تیز ہوائیں اس بیلون کو پہاڑی علاقے سےگھسیٹتی دریائے رائن کی طرف لے گئیں، جہاں یہ بیلون ریلوے لائن کے اوپر درختوں میں پھنس گیا۔

حکام کے مطابق ریسکیو ٹیم کے سو سے زائد کارکنان نے ایک پیچیدہ آپریشن کے بعد بیلون میں پھنسے بقیہ تین مسافروں کو وہاں سے نکالا۔

حکام کے مطابق ریسکیو ٹیم کے سو سے زائد کارکنان نے ایک پیچیدہ آپریشن کے بعد بیلون میں پھنسے بقیہ تین مسافروں کو وہاں سے نکالا۔

حالیہ دنوں میں مغربی جرمنی میں دریائے رائن کے ساتھ علاقوں میں کئی طوفان آئے ہیں، جن کی وجہ سے بون جیسے شہروں میں کئی مقامات پر درخت گر گئے اور املاک کو نقصانات ہوئے۔ اس بیلون کو وہاں سے نکالنے میں مزید کچھ دن لگیں گے۔ حکام نے اس واقعے کی تفتیش شروع کر دی ہے۔