معمر شخص نے قدیم چھڑی سے چوروں کی پٹائی کر دی

امریکی ریاست ایلنوئے میں ایک 81 سالہ معمر شخص نے اپنے دادا کی پرانی چھڑی سے تین چوروں کو پیٹ ڈالا۔ ایک چور کو تو زیادہ بدتہذیبی پر سر پر ضرب لگائی۔

معمر شخص نے قدیم چھڑی سے چوروں کی پٹائی کر دی
معمر شخص نے قدیم چھڑی سے چوروں کی پٹائی کر دی
user

ڈی. ڈبلیو

ڈین اور باربرا ڈونووان نے خبر رساں ادارے پائنیر پریس نیوز گروپ کو بتایا کہ ایک شخص نے چمک پٹی والی جیکٹ پہن رکھی تھی اور اس نے ان کے گھر کی گھنٹی بجائی۔ اس نے پوچھنے پر بتایا کہ وہ ایک یوٹیلیٹی ورکر ہے اور اسے اس علاقے میں آتش زدگی کے ایک واقعے کے بعد گھر گھر جا کر فیوز باکس دیکھنے کا کام سونپا گیا ہے۔

باربرا ڈونووان کے مطابق وہ اس شخص کے ساتھ تہہ خانے میں تھے، جہاں یہ شخص الیکٹرک بورڈ کو دیکھ رہا ہے۔ ''مجھے اوپر سے آواز آئی، جیسے کوئی کچھ توڑ رہا ہے۔ میں سمجھ گئی کہ کچھ نہ کچھ گڑ بڑ ہے۔‘‘ باربرا بتاتی ہیں کہ وہ چیخیں، 'ڈینی کوئی ہمارے بیڈروم میں ہے۔‘‘

باربرا اپنے میاں کے ساتھ اوپر کی جانب دوڑی، تو ایسے میں بہروپیا الیکٹریکل ورکر بھی ساتھ دوڑا۔ جب یہ جوڑا گھر میں مرکزی فلور پر پہنچا، تو انہوں نے دیکھا کہ دو آدمی وہاں موجود ہیں اور ان میں سے ایک کے ہاتھ میں تکیے کا کوور ہے۔ اکیاسی سالہ ڈین ان تینوں آدمیوں کو گھر سے نکالنے کی کوشش میں تھے کہ ان کے ہاتھ میں اپنے دادا کی آئرش چھڑی آگئی، جو ڈائنگ روم میں ایک طرف رکھی ہوئی تھی۔

ڈین بتاتے ہیں، ''میں کوئی ہتھیار ڈھونڈ رہا تھا تاکہ انہیں دھمکا کر گھر سے نکال سکوں۔ میں نے وہ چھڑی اٹھا لی اور یہ کارگر رہی۔ میں انہیں اپنے گھر سے بھگانے میں کامیاب ہو گیا۔ تکیے کے کوور والے آدمی کے سر میں تو ڈین نے لاٹھی دے ماری۔ یہ تینوں چور اس لاٹھی کے ڈر سے فرار ہو گئے۔

ڈین کہتے ہیں کہ امید ہے جس چور کے سر میں انہوں نے لاٹھی ماری، اسے زیادہ چوٹ نہ آئی ہو۔

پسندیدہ ترین
next