سوا لاکھ ڈالر میں خلائی سفر ممکن!

یہ سفر ایک کیپسول نما ہائیڈروجن سے چلنے والے ایک بڑے غبارے میں کیا جائے گا جو فضا کی بلندیوں تک پرواز کر سکتا ہے

تصویر العربیہ ڈاٹ نیٹ
تصویر العربیہ ڈاٹ نیٹ
user

قومی آوازبیورو

واشنگٹن: بین الاقوامی فضائی کمپنی اسپیس پریسپکٹیو (Space Perspective) نے انسانی تاریخ میں پہلی بار انتہائی کم قیمت پر خلائی ٹور کرانے کی نئی پیش کش کی ہے۔ اسپیس پریسپکٹیو نے گرم ہوا کے غبارے کے ذریعے فضائی غلاف تک ایک لاکھ 25 ہزار ڈالر میں سیر کرانے کا اعلان کیا ہے۔

فلوریڈا میں قائم کمپنی کا مقصد نیپچون خلائی جہاز پر سوار ہو کر ایک "لگژری سفر کے تجربات کے نئے دور کا آغاز‘‘ کرنا ہے۔ یہ سفر ایک کیپسول نما ہائیڈروجن سے چلنے والے ایک بڑے غبارے میں کیا جائے گا جو فضا کی بلندیوں تک پرواز کر سکتا ہے۔ اس خلائی سفر کے دوران مسافر گرم ہوا کے اس غبارے میں گھومنے والی کرسیوں اور پینورامک کھڑکیوں کی مدد سے زمین اور خلا کے نظاروں سے لطف اندوز ہوسکیں گے۔


اس لگژری سفر کے دوران گرم ہوا کے غبارے میں مسافروں کے لیے ضروری سہولیات کا اہتمام کیا جائے گا۔ مشروبات کی تیاری کے لیے اس میں جگہ مختص کی گئی ہے جب کہ ٹوائلٹ بھی بنائے گئے ہیں۔ انفرادی اور گروپ بکنگ شروع کردی گئی ہے۔ توقع ہے کہ 2024 میں فلوریڈا میں ناسا کے کینیڈی اسپیس سنٹرسے یہ سفر شروع کیا جائے گا۔

دیگر کمپنیاں عام اسپیس لائٹ مسافروں اورخلائی سفرپر بہت سے مطالبات پیش کرتی ہے، جہاں ہنگامہ آرا لانچوں کے لیے لاکھوں پاؤنڈ کے ایندھن کی ضرورت ہوتی ہے۔ اس نئے فضائی سفرمیں ایک ٹرپ میں صرف آٹھ افراد کے غبارے میں سوار ہونے کی گنجائش ہے۔ یہ غبارہ ساڑھے چھ سو فٹ اونچا ہے جو ہائیڈروجن گیس کے ذریعے خلا میں اڑنے کے لیے ڈیزائن کیا گیا ہے۔


گذشتہ سال ایک ویڈیو پریس کانفرنس کے دوران اسپیس پریسپکٹیو کے ایگزیکٹوز جین پوینٹر اور ٹیپر میک کالم نے وضاحت کی کہ نیپچون خلائی جہاز تقریبا 6 گھنٹے کی پرواز میں تقریباًٍ دو گھنٹے صرف 100،000 فٹ یا 18 میل کی اونچائی پر پہنچے گا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔