جرمنی میں گرمی کا ریکارڈ ٹوٹ گیا

جرمنی میں جون کے مہینے میں تاریخ کا بلند ترین درجہ حرارت ریکارڈ کیا گیا ہے۔ یہ بات جرمنی کے قومی محکمہ موسمیات کی طرف سے بتائی گئی ہے۔

جرمنی میں گرمی کا ریکارڈ ٹوٹ گیا
جرمنی میں گرمی کا ریکارڈ ٹوٹ گیا
user

ڈی. ڈبلیو

جرمنی میں تاریخ کا یہ بلند ترین درجہ حرات پولینڈ کی سرحد پر واقع جرمن شہر کَوشن میں مقامی وقت کے مطابق دن 2:50 پر ریکارڈ کیا گیا جو 38.6 ڈگری سینٹی گریڈ تھا۔ قبل ازیں بلند ترین درجہ حرارت 27 جون 1947ء کو ملک کے ایک مغربی شہر بیوہلرٹال میں ریکارڈ کیا گیا تھا جو 38.5 ڈگری سینٹی گریڈ تھا۔

گرمی کی شدت میں مزید اضافے کی توقع


جرمن محکمہ موسمیات قبل ازیں متنبہ کر چکا ہے کہ ملک کے بعض حصوں میں آئندہ دنوں کے دوران درجہ حرات 40 ڈگری سینٹی گریڈ تک بھی پہنچ سکتا ہے۔ اس کی وجہ براعظم افریقہ کے شمالی حصے کی طرف سے خشک اور گرم ہواؤں کا یورپ کی طرف بڑھنا ہے۔

گرمی کی شدت میں اضافے کے ساتھ ہی جرمنی میں عوام سے احتیاطی تدابیر اختیار کرنے کا کہا گیا ہے۔ جرمنی کی مشرقی ریاست سیکسنی انہالٹ کی ٹرانسپورٹ کی وزارت نے اس صوبے کی سڑکوں پر رفتار کی زیادہ سے زیادہ حد 100 کلومیٹر فی گھنٹہ سے 120 کلومیٹر فی گھنٹہ تک مقرر کر دی ہے۔ خیال رہے کہ جرمنی کی اکثر شاہراہوں پر رفتار کی کوئی حد مقرر نہیں ہوتی۔


طبی حکام نے خبردار کیا ہے کہ شدید گرمی اور فضا میں نمی کے تناسب میں اضافہ لوگوں کی صحت کے لیے خطرناک ہو سکتا ہے۔ اسی باعث بچوں، بزرگوں اور ایسے افراد سے کہا گیا ہے کہ وہ گرمی سے بچیں جنہیں صحت کے حوالے سے مسائل درپیش ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔