تیز رفتار موبائل انٹرنیٹ: ٹاپ-10 ممالک کی فہرست میں 3 مسلم ممالک سب سے آگے، امریکہ، جاپان اور چین کو بھی چھوڑا پیچھے

ڈیجیٹل دور میں انٹرنیٹ کی اہمیت سے کوئی انکار نہیں کر سکتا۔ بغیر انٹرنیٹ کے آپ کوئی کام نہیں کر سکتے ہیں۔ انٹرنیٹ کے ساتھ ساتھ اس کی رفتار کی بھی کافی اہمیت ہوتی ہے۔ انٹرنیٹ کی رفتار سے متعلق حالیہ دنوں میں ورلڈ بینک نے ایک رپورٹ پیش کی ہے۔ رپورٹ میں انٹرنیٹ فراہم کرنے والے ٹاپ-10 ممالک کی فہرست جاری کی گئی ہے۔ اس رپورٹ کے مطابق ٹاپ 10 ممالک میں سرفہرست ٹاپ 3 مسلم ممالک ہیں۔ متحدہ عرب عمارات فہرست میں پہلے درجہ پر ہے جبکہ قطر اور کویت بالترتیب دوسرے اور تیسرے مقام پر ہے۔ آئیے تفصیل سے جانتے ہیں کہ تیز رفتار انٹرنیٹ فراہم کرنے والے 10 سرفہرست ممالک کون کون ہیں۔

ورلڈ بینک کی رپورٹ کے مطابق فہرست میں ٹاپ پر ہے متحدہ عرب عمارات (یو اے ای)۔ وہاں موبائل انٹرنیٹ کی رفتار 398.5 ایم بی پی ایس ہے۔ فہرست میں دوسرے نمبر پر قطر ہے جہاں موبائل انٹرنیٹ کی رفتار 344.3 ایم بی پی ایس ہے۔ اس فہرست میں تیسرے نمبر پر کویت ہے جہاں موبائل انٹرنیٹ کی رفتار 239.83 ایم بی پی ایس بتائی گئی ہے۔ چوتھے نمبر پر جنوبی کوریا ہے۔ وہاں کے موبائل انٹرنیٹ کی رفتار 141.23 ایم بی پی ایس ہے۔ فہرست میں پانچواں مقام نیدرلینڈ کو حاصل ہوا ہے جہاں موبائل انٹرنیٹ کی رفتار 133.44 ایم بی پی ایس ہے۔

ورلڈ بینک کی رپورٹ کے مطابق 130.05 ایم بی پی ایس موبائل انٹرنیٹ کی رفتار کے ساتھ ڈنمارک نے فہرست میں چھٹی پوزیشن حاصل کی ہے۔ 128.77 ایم بی پی ایس کے ساتھ ناروے ساتویں نمبر پر ہے۔ سعودی عرب 122.28 ایم بی پی ایس موبائل انٹرنیٹ کی رفتار کے ساتھ آٹھویں مقام پر ہے۔ فہرست میں نویں مقام پر بلغاریہ ہے جہاں موبائل انٹرنیٹ کی رفتار 117.64 ایم بی پی ایس ہے۔ اس فہرست میں دسویں نمبر پر لکژمبرگ کو جگہ ملی ہے۔ وہاں موبائل انٹرنیٹ کی رفتار 114.42 ایم بی پی ایس ہے۔