دہلی سے 28ویں حج پرواز مدینہ کے لیے روانہ، حج کمیٹی کی چیئرپرسن کوثر جہاں نے کیا الوداع

نئی دہلی: دہلی اسٹیٹ حج کمیٹی کے ایگزیکٹیو آفیسر اشفاق احمد عارفی کی طرف سے جاری پریس ریلیز کے مطابق 18 مئی کو تاریخی رام لیلا میدان اور درگاہ فیض الٰہی میں مکمل ایئر کنڈیشنڈ حج کیمپ میں دیگر دنوں کے مقابلے عازمین حج کی کثیر تعداد کے درمیان دہلی اسٹیٹ حج کمیٹی کی چیئرپرسن کوثر جہاں نے بھرے کیمپ میں حاجیوں اور ان کے اہل خانہ سے ملاقات کی اور اندرا گاندھی بین الاقوامی ہوائی اڈہ پہنچ کر روانگی گیٹ نمبر 8 سے انہیں حج کے لیے روانہ کرتے ہوئے الوداع کیا۔

دی گئی جانکاری کے مطابق آج سعودی ایئر لائن کی کل تین پروازوں سے تقریباً 1200 عازمین حج روانہ ہوئے۔ اس طرح اب تک کل 47 حج پروازوں میں سے 28 پروازیں کامیابی کے ساتھ روانہ ہو چکی ہیں۔ اس طرح اب 25 مئی تک مزید 19 حج پروازیں روانہ ہونا باقی ہیں۔