باجوہ کی تنقید کرنی پڑی مہنگی، عمران خان کی سوشل میڈیا ٹیم کے ارکان گرفتار

عمران خان کو 8 اپریل کو وزارت عظمیٰ کے عہدے سے ہٹا دیا گیا تھا جس کے بعد سے ان کی پارٹی اور سوشل میڈیا ٹیم مسلسل باجوہ کو سوشل میڈیا پر تنقید کا نشانہ بنا رہی ہے۔

عمران خان اور قمر جاوید باجوہ، فائل تصویر آئی اے این ایس
عمران خان اور قمر جاوید باجوہ، فائل تصویر آئی اے این ایس
user

قومی آوازبیورو

پاکستان میں اقتدار کھونے کے بعد عمران خان کی جماعت پاکستان تحریک انصاف پر ایک اور مصیبت ٹوٹ پڑی ہے۔ پی ٹی آئی کی سوشل میڈیا ٹیم کے آٹھ ارکان کو گرفتار کر لیا گیا ہے۔ جیو نیوز کی رپورٹ کے مطابق پی ٹی آئی کی سوشل میڈیا ٹیم نے مبینہ طور پر پاکستانی فوج کے سربراہ جنرل قمر جاوید باجوہ کے خلاف ان کو بدنام کرنے کی مہم چلائی ہوئی تھی۔

پاکستان کے وفاقی تحقیقاتی ادارے (ایف آئی اے) نے منگل کے روز صوبہ پنجاب کے مختلف حصوں سے فوجی سربراہ اور سپریم کورٹ کے ججوں کو سوشل میڈیا پر نشانہ بنانے پر گرفتاریاں کیں۔ عمران خان کو 8 اپریل کو وزارت عظمیٰ کے عہدے سے ہٹا دیا گیا تھا۔ تب سے ان کی پارٹی اور سوشل میڈیا ٹیم ٹوئٹر پر پاکستانی فوج کے خلاف مہم چلا رہی تھی۔


ایف آئی اے کے مطابق فوجی سربراہ اور سپریم کورٹ کے جج حضرات کے خلاف سوشل میڈیا پر چلائی جا رہی مہم میں ملوث 50 مشتبہ افراد کی فہرست انٹیلی جنس ایجنسیوں کو موصول ہوئی ہے۔ جن میں سے اب تک 8 ارکان کو گرفتار کیا جا چکا ہے۔ عمران خان کے قریبی ساتھی اسد عمر نے ایک ٹوئٹ میں کہا کہ ’پی ٹی آئی سوشل میڈیا ورکرز کو ہراساں کئے جانے کو چیلنج کرنے والی پٹیشن کو حتمی شکل دے دی گئی ہے‘۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔