عمران نے پنجاب کی باگ ڈور اتحادی کو سونپی ، حکومت بچانے کے لئے ہر ممکن کوشش
پاکستان تحریک انصاف اور اس کی اتحادی جماعت مسلم لیگ (ق) نے پنجاب کے وزیر اعلیٰ کے عہدے کے لیے پرویز الٰہی کی حمایت کے لیے ایک معاہدے پر دستخط کیے ہیں۔
پاکستان کی حزب اختلاف نے عمران حکومت کے خلاف تحریک عدم اعتماد ایوان میں پیش کر دیا ہے جس کی وجہ سے عمران خان کی حکومت کی الٹی گنتی شروع ہوتی نظر آ رہی ہے۔ عمران خان نے اپنی حکومت بچانے کے لئے پنجاب کی حکومت قربان کر دی ہے اور وہاں پر اتحادی جماعت مسلم لیگ (ق) کو باگ ڈور سونپ دی ہے۔
حکمراں جماعت پاکستان تحریک انصاف اور اس کی اتحادی جماعت مسلم لیگ (ق) نے پنجاب کے وزیر اعلیٰ کے عہدے کے لیے پرویز الٰہی کی حمایت کے لیے ایک معاہدے پر دستخط کیے ہیں۔ ایکسپریس ٹریبیون نے پیر کو اپنی رپورٹ میں یہ اطلاع دی۔
وزیراعظم عمران خان کے معاون خصوصی شہباز گل نے اپنے ٹوئٹ میں کہا کہ پی ٹی آئی پنجاب کی وزارت اعلیٰ کے امیدوار کے طور پر چوہدری پرویز الٰہی کی حمایت کرے گی۔
اس کی تصدیق وزیر مملکت برائے اطلاعات و نشریات فاروق حبیب نے بھی کی۔ انہوں نے کہا کہ چوہدری پرویز الٰہی کی وزیراعظم سے ملاقات کے بعد تمام مسائل حل ہو گئے ہیں۔
ان کا مزید کہنا تھا کہ مسلم لیگ (ق) کی قیادت نے بھی عمران خان پر مکمل اعتماد کا اظہار کیا اور ایوان زیریں میں تحریک عدم اعتماد کی حمایت کا اعلان کیا۔
دریں اثناء وزیراعلیٰ پنجاب عثمان بزدار نے اپنا استعفیٰ وزیراعظم کو پیش کردیا اور انہوں نے چودھری پرویزالٰہی کو وزیراعلیٰ پنجاب نامزد کرنے کا فیصلہ کیا ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 29 Mar 2022, 8:11 AM