پاکستان اور سری لنکا کے درمیان پہلا ون ڈے میچ منسوخ

پاکستان اور سری لنکا کے درمیان منسوخ ہونےوالا میچ نیشنل اسٹیڈیم کی تاریخ کا پہلا میچ ہے جو بارش کے باعث منسوخ ہوا

سوشل میڈیا 
سوشل میڈیا

یو این آئی

پاکستان اور سری لنکا کے مابین پہلا ون ڈے میچ مسلسل بارش کے باعث منسوخ کردیا گیا ہے ۔تیز بارش کی وجہ سے کراچی کا نیشنل ا سٹیڈیم تالاب کا منظر پیش کرنے لگا جس کے بعد امپائرز اور میچ ریفری نے گراؤنڈ اور آؤٹ فیلڈ گیلی ہونے کے باعث میچ منسوخ کرنے کا اعلان کیا۔

پاکستان کرکٹ بورڈ ( پی سی بی )نے سری لنکاکے خلاف دوسرے ون ڈے کا پروگرام تبدیل کردیا ہے۔ دونوں ٹیموں کے مابین سیریز کا دوسرا مقابلہ اتوار کو کھیلا جانا تھا ۔پی سی بی ترجمان کے مطابق یہ فیصلہ دونوں کرکٹ بورڈز کی مشاورت سے کیا جارہاہے۔پاکستان کرکٹ بورڈ نے آج کے مقابلے کے ٹکٹ خریدنے والے شائقین کو پیسے واپس کرنےکا اعلان کیا ہے ۔

پاکستان اور سری لنکا کے درمیان منسوخ ہونےوالا میچ نیشنل اسٹیڈیم کی تاریخ کا پہلا میچ ہے جو بارش کے باعث منسوخ ہوا۔آج کے میچ سے قبل نیشنل اسٹیڈیم میں تین ایک روزہ میچ منسوخ ہو چکے ہیں، پہلا میچ 1982میں آسٹریلیا کےخلاف عوام کی ہنگامہ آرائی کی وجہ سے منسوخ ہوا۔دوسرا میچ بھی آسٹریلیا کے خلاف 1988 میں ہنگامہ آرائی کے باعث منسوخ ہوا جبکہ تیسرا میچ ہندستان کےخلاف 1989 میں منسوخ ہوا،نیشنل اسٹیڈیم میں کھیلے جانےوالے دو ٹیسٹ میچ بھی 1984 اور 2004میں منسوخ ہو چکے ہیں۔

Published: 28 Sep 2019, 7:00 AM