امریکہ کا چین کو سخت پیغام، نہیں چلے گی اقتصادی داداگری

امریکہ کی نائب سیکریٹری خارجہ ونیڈی شرمن نے اپنے دہلی دورے کے دوران چین کو سخت پیغام دیتے ہوئے کہا ہے کہ اقتصادی زبر دستی یا اقتصادی دادا گری مستقبل کی دنیا کا راستہ نہیں ہو سکتا۔ہندوستان کے خارجہ سیکریٹری ہرش وردھن شرنگلا کے ساتھ ملاقات کے بعد یہ بیان سامنے آیا ہے۔

وینڈی شرمن کے اس بیان کو کافی اہم مانا جا رہا ہے کیونکہ کچھ وقت سے چین فنڈنگ کے ذریعہ جنوبی ایشیا کے کئی ممالک میں اثر بڑاھنے کی کو شش کر رہا ہے ۔ واضح رہے اس سارے معاملہ میں پاکستان پوری طرح چین کے ساتھ کھڑا نظر آ رہا ہے ۔

وینڈی شرمن نے کہا کہ وہ یعنی امریکہ دنیا کے ممالک سے یہ نہیں کہنا چاہتا کہ وہ چین اور امریکہ میں سے کسی کا انتخاب کریں لیکن وہ مانتا ہے کہ اقتصادی زبر دستی یا داداگری سے دنیا میں امن اور سلامتی قائم نہیں ہو سکتا۔

دراصل چین کئی ممالک میں فنڈنگ کر رہا ہے اور اس وجہ سے وہ امریکہ کے نشانے پر ہے۔ پاکستان، سری لنکا اور میانمار میں چین کی فنڈنگ کی خبریں لگاتار آتی رہی ہیں اور اس رجحان سے پوری دنیا میں بے چینی ہے۔