کورونا سے بے حال امریکی صدر ٹرمپ لگائیں گے باہری لوگوں کی آمد پر پابندی

واشنگٹن: امریکہ کے صدر ڈونلڈ نے ملک میں کورونا انفیکشن کے بڑھتے معاملوں اور اموات کے پیش نظر ایک بڑا قدم اٹھایا ہے۔ ٹرمپ نے فیصلہ کیا ہے کہ کورونا وائرس یعنی 'كووڈ-19' کے اس بحران میں وائرس کے خطرات سے بچنے اورامریکی شہریوں کی ملازمتیں بچانے کے لئے وہ ملک میں غیر ملکی شہریوں کا امیگریشن یعنی آمد عارضی طور پر بند کر یں گے۔

ڈونالڈ ٹرمپ نے سوشل میڈیا پر اس سلسلے میں جانکاری دیتے ہوئے کہا کہ ’’کورونا وائرس کے خطرات کو دیکھتے ہوئےاورامریکی شہریوں کی نوکریاں بچانے کے لئے میں جلد ہی ایک خاص حکم نامہ پردستخط کروں گا جس سے امریکہ میں امیگریشن کوعارضی طورپرمعطل کردیا جائے گا‘‘۔

قابل ذکر ہے کہ امریکہ میں کورونا وائرس کے قہر سے بے روزگاری کی شرح میں تیزی سے اضافہ ہوا ہے اور کئی امریکی شہریوں کی ملازمت جانے کی وجہ سے ٹرمپ نے بیرون ممالک سے آنے والے لوگوں پر پابندی لگانے کا یہ فیصلہ لیا ہے۔ اس قدم سے امریکیوں کی ملازمت پر خطرہ کم پڑے گا۔ خیال رہے کہ امریکہ میں کوروناوائرس سے اب تک 40 ہزارسے زائد افراد ہلاک اورتقریباً 766،000 لوگ متاثر ہیں۔

(یو این آئی ان پٹ کے ساتھ)