بغداد میں امریکی سفارتخانے پر راکٹ حملہ ناکام

عراق کے دار الحکومت بغداد میں واقع امریکی سفارت خانے پر اتوار کو علیٰ الصباح راکٹ حملہ کیا گیا لیکن پیٹریاٹ فضائی سکیورٹی سسٹم نے اسے درمیان میں ہی ناکام کر دیا مگر اس واقعہ میں ایک بچہ زخمی ہو گیا

تصویر سوشل میڈیا
تصویر سوشل میڈیا
user

یو این آئی

بغداد: عراق کے دار الحکومت بغداد میں واقع امریکی سفارت خانے پر اتوار کو علیٰ الصباح راکٹ حملہ کیا گیا لیکن پیٹریاٹ فضائی سکیورٹی سسٹم نے اسے درمیان میں ہی ناکام کر دیا مگر اس واقعہ میں ایک بچہ زخمی ہو گیا۔

مقامی میڈیا نے سکیورٹی ذرائع کے حوالے سے بتایا کہ بغداد کے وسط میں واقع گرین زون میں امریکی سفارتخانے پر حملے کی کوشش کی گئی لیکن میزائل کو درمیان میں ہی ناکام کر دیا گیا۔ اس کے بعد میزائل سفارتخانے کے قریب ایک رہائشی عمارت پر گر گیا۔

ذرائع کے مطابق اس حادثے میں کسی کی بھی موت نہیں ہوئی لیکن ایک بچہ سنگین طور پر زخمی ہو گیا۔ امریکی سفارتخانے پر راکٹ حملے کی کئی کوششوں کے بعد گرین زون میں واقع امریکی فورس نے پیٹریٹ فضائی سکیورٹی سسٹم کا تجربہ کیا جس کے چند گھنٹے کے بعد یہ واقعہ ہوا۔ عراقی اراکین پارلیمنٹ نے اشتعال انگیز قرار دیتے ہوئے اس تجربے کی مذمت کی ہے۔

گرین زون میں سرکاری دفاتر اور سفارتخانے ہیں اور یہ بغداد بین الاقوامی ہوائی اڈے کی جانب جانے والے سخت سکیورٹی والے سڑک کے ذریعے جڑتا ہے۔ اس علاقے کو باضابطہ راکٹ حملوں سے نشانہ بنایا جاتا رہا ہے۔

    next