غزہ میں زمینی حملے کے دوران 2 مزید اسرائیلی فوجی ہلاک، مہلوک اسرائیلی جوانوں کی تعداد 33 پہنچی

غزہ میں جاری حماس-اسرایل جنگ کے درمیان اسرائیلی فوج (آئی ڈی ایف) نے جمعرات کو ایک اہم جانکاری دیتے ہوئے بتایا کہ غزہ میں زمینی مہم کے دوران حملے مین اس کے 2 مزید فوجی مارے گئے ہیں۔ ان اموات کے بعد 27 اکتوبر کو زمینی حملہ شروع ہونے سے اب تک ہلاک ہونے والے اسرائیلی فوجیوں کی تعداد بڑھ کر 33 ہو گئی ہے۔ آج ہلاک ہوئے دونوں فوجیوں کی شناخت یروشلم کے سارجنٹ اول کیٹگری الیاہو بنجامن الماکیس (29 سال) اور ڈیمونا کے اسٹاف سارجنٹ نوم یوسف ابو (20 سال) کی شکل میں ہوئی ہے۔

آئی ڈی ایف کے طمابق فوج کے دونوں جوان بدھ کے روز غزہ کے گھیرے گئے علاقے میں حماس گروپ کے جنگجوؤں کے ساتھ شدید لڑائی کے دوران ہلاک ہو گئے۔ حماس کے ذریعہ 7 اکتوبر کو یہودی ملک کے خلاف کیے گئے حیرت انگیز حملے کے بعد سے اب تک 350 سے زائد اسرائیلی فوجی مارے جا چکے ہیں۔

بہرحال، تازہ ترین خبروں کے مطابق اسرائیلی فوج نے جمعرات کو دعویٰ کیا کہ اس نے غزہ میں غاروں کے 130 ایسے داخلی دروازوں کو تباہ کر دیا ہے جس کا استعمال حماس کے جنگجو کر رہے تھے۔ سوشل میڈیا پلیٹ فارم ’ایکس‘ پر کیے گئے ایک پوسٹ میں اسرائیلی فوج نے کہا کہ ’’آئی ڈی ایف کے جنگجو انجینئر حال میں غزہ میں غاروں سمیت حماس کے دہشت گردانہ بنیادی ڈھانچے کو تباہ کرنے کا کام کر رہے ہیں۔ غاروں کے اندر پانی اور آکسیجن کے ذخیرے کی تلاش سے اشارے ملتے ہیں کہ حماس طویل مدت تک زیر زمین رہنے کی تیاری کر رہا ہے۔ جنگ کی شروعات کے بعد سے غار کے 130 دروازے تباہ کر دیے گئے ہیں۔‘‘