سری لنکا کی جیل میں سینی ٹائزر پینے سے دو ایرانیوں کی موت ، 10 غیر ملکی قیدی اسپتال میں داخل

جیل میں بند 10 دیگر ایرانی قیدیوں کو اسپتال میں داخل کرایا گیا ہے۔ ان قیدیوں کوسینی ٹائزر ایرانی سفارتخانے نے کووڈ 19 کے پیش نظر دستیاب کرایا تھا ۔

علامتی فائل تصویرآئی اے این ایس
علامتی فائل تصویرآئی اے این ایس
user

یو این آئی

سری لنکا میں ایک سنسنی خیز واقعہ پیش آیا جس میں دو غیر ملکی قیدیوں کی موت ہو گئ اور دیگر دس غیر ملکی قیدی اسپتال میں زیر علاج ہیں ۔یہ واقعہ سری لنکا کی دارالحکومت کولمبو میں واقع کولمبو ریمانڈ جیل میں پیش آیا جہاں کچھ قیدیوں نے ان کو دیا گیا سینی ٹائزر پی لیا ۔

اس واقعہ میں دو ایرانی قیدیوں کی موت ہو گئی اور 10 دیگران کو اسپتال میں داخل کرایا گیا ۔ مقامی میڈیا نےاپنی رپورٹ میں یہ اطلاع دی ہے ۔ جیل کی ترجمان چندنا ایکنائکے نے بتایا کہ جیل میں بند 10 دیگر ایرانی قیدیوں کو اسپتال میں داخل کرایا گیا ہے۔ انہوں نے بتایا کہ ان قیدیوں کوسینی ٹائزر ایرانی سفارتخانے نے کووڈ 19 کے پیش نظر دستیاب کرایا گیا تھا ۔


انہوں نے بتایا کہ ان قیدیوں کوہیروئن اسمگلنگ کے الزام میں گرفتار کیا گیا تھا اوران لوگوں نے بدھ کی دیر رات سینی ٹائزر پیا۔ اسپتال میں داخل قیدیون کی حالت نازک نہیں ہے ۔ ابھی یہ واضح نہیں ہے کہ ان قیدیوں نے خود کشی کی کوشش کی تھی یا انہوں نے جیل سے فرار ہونے کے لئے ایسا کیا تھا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔