امریکہ نے جنوری تک کورونا کی 4 کروڑ ویکسین تیار کرنے کا کیا دعویٰ

ٹرمپ انتظامیہ کے آپریشن اسپیڈ کے اہم صلاح کار ڈاکٹر مونسیپ سلوئی نے کہا کہ مستقبل قریب میں ہنگامی منظوری کے لیے کورونا کے دو الگ الگ ٹیکے تیار کیے جائیں گے۔

کورونا ویکسین۔ تصویر یو این آئی
کورونا ویکسین۔ تصویر یو این آئی
user

یو این آئی

واشنگٹن: امریکہ نے کہا ہے کہ محکمہ خوراک و ادویات سے اجازت ملنے کے بعد ملک میں آئندہ برس جنوری کی شروعات تک بازار میں پہنچنے کے لیے چار کروڑ سے زائد کورونا ویکسین کی خوراک تیار ہوگی۔ وزیر صحت الیکس آزر نے بدھ کے روز صحافیوں سے کہا،’ہمیں امید ہے کہ دسمبر کے آخر تک ہمارے پاس کورونا وائرس کی چار کروڑ سے زائد ویکسین بازار میں تقسیم کے لیے تیار ہوگی اور اس کے لیے ہم محکمہ خوراک و ادویات سے اجازت ملنے کا انتظار کر رہے ہیں‘۔

وزیر صحت نے کہا کہ کورونا ویکسین کے آتے ہیں یہ ٹیکہ دو کروڑ امریکی شہریوں کو لگایا جائے گا اور ضرورت مند افراد کو ترجیح دی جائے گی۔ یہ سمجھا جاتا ہے کہ کورونا ویکسین کی خرید فائزر اور شریک معاون بی او۔ این ٹیک یا ماڈرنا سے کی جائے گی۔ ٹرمپ انتظامیہ کے آپریشن اسپیڈ کے اہم صلاح کار ڈاکٹر مونسیپ سلوئی نے اس بابت کہا کہ مستقبل قریب میں ہنگامی منظوری کے لیے کورونا کے دو الگ الگ ٹیکے تیار کیے جائیں گے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


next