سیریا: مہاجرین کو لے کر جا رہی کشتی غرقاب ہونے سے 73 افراد کی موت، 20 لوگوں کو بچایا گیا

لبنان کے وزیر برائے تعمیرات عامہ و ٹرانسپورٹیشن علی حمیح کے مطابق بچائے گئے 20 مہاجرین میں پانچ لبنانی، 12 سیریائی اور 3 فلسطینی ہیں۔

سمندر، علامتی تصویر آئی اے این ایس
سمندر، علامتی تصویر آئی اے این ایس
user

قومی آوازبیورو

سیریائی ساحل کے پاس ایک کشتی غرقاب ہونے سے کم از کم 73 لوگوں کی موت ہو گئی ہے۔ سیریا کے وزیر صحت نے اس سلسلے میں جانکاری میڈیا کو دی۔ وزیر صحت حسن الگباش نے جمعہ کو ایک بیان میں کہا کہ سیریا کے ساحلی شہر ٹارٹس کے الباسل اسپتال میں ان لوگوں کا علاج کیا جا رہا ہے جو کشتی کے ڈوبنے کے بعد بچائے گئے ہیں۔

سمندری بندرگاہ کے سیریائی جنرل ڈائریکٹر سمیر کوبروسلی نے جمعہ کے روز بچائے گئے لوگوں کی گواہی کا حوالہ دیتے ہوئے کہا کہ ’’کشتی منگل کو لبنان سے غیر قانونی مہاجرین کو نامعلوم منازل پر لے جا رہی تھی۔ کوبروسلی کا کہنا ہے کہ سیریا کے افسران کے ذریعہ شروع کیے گئے کھوج اور بچاؤ مہم کے دوران جمعہ کو 31 لاشیں برآمد کی گئیں۔


سیرین آبزرویٹری فار ہیومن رائٹس کے سربراہ رامی عبدالرحمن نے جمعہ کو ذرائع کا حوالہ دیتے ہوئے کہا کہ کشتی کی حقیقی صلاحیت صرف 30 لوگوں کی تھی، لیکن اس میں 100 سے 150 لوگ سوار تھے۔ لبان کے وزیر برائے تعمیرات عامہ و ٹرانسپورٹ علی حمیح کے مطابق بچائے گئے 20 مہاجرین میں 5 لبنانی، 12 سیریائی اور 3 فلسطینی ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔