سری لنکا میں پٹرول پمپس پر ایندھن میں کٹوتی کا اعلان

سری لنکا میں صورتحال بد سے بدتر ہوتی جا رہی ہے جس کی وجہ سے عوام کی پریشانیوں میں اضافہ ہو رہا ہے۔ اب سری لنکا کی سرکاری ملکیت سیلون پٹرولیم کارپوریشن (سی پی سی) نے کل دوپہر ایک بجے سے پٹرول پمپوں پر ایندھن میں کٹوتی کا اعلان کر دیا ہے۔

سی پی سی نے کہا کہ ہر موٹر سائیکل کے لیے 1,000 سری لنکن روپے (3.2 ڈالر) کا ایندھن جاری کیا جائے گا۔ تین پہیوں کے لیے 1500 روپے اور کاروں، وین اور جیپوں کے لیے 5000 روپے کا ایندھن جاری کیا جائے گا۔

سی پی سی کے چیئرمین نے کہا کہ یہ حد بسوں، لاریوں اور کمرشل گاڑیوں پر نافذ نہیں ہوگی۔اس ہفتے کے شروع میں سی پی سی نے اعلان کیا کہ سری لنکا کی ماہانہ ایندھن کی درآمدات اپریل میں 700 ملین ڈالر تک پہنچ گئی جو دو ماہ قبل 450 ملین ڈالر تھی، جس کی وجہ تیل کی عالمی قیمتوں میں اضافہ اور ملکی مانگ میں اضافہ ہے۔

2021 میں سری لنکا کی اوسط ماہانہ ایندھن کی درآمد 311 ملین امریکی ڈالر تھی۔سری لنکا غیر ملکی زرمبادلہ کے بحران سے گزر رہا ہے اور منگل کو تمام قرضوں کی ادائیگیوں پر عبوری پابندی لگانے کا فیصلہ کیا گیاتھا۔