ٹرمپ کو پریس کانفرنس کے بیچ سےلے گیا بندوق سے لیس شخص

وہائٹ ہاؤس میں پریس کانفرنس کے دوران ایک عجیب و غریب واقعہ پیش آیا جب بندوق سے لیس ایک شخص ٹرمپ کو بیچ پریس کانفرنس میں اندر لے گیا

تصویر بشکریہ نیشنل ہیرالڈ
تصویر بشکریہ نیشنل ہیرالڈ
user

یو این آئی

امریکی صدر ڈونالڈ ٹرمپ کی پریس کانفرنس میں اس وقت افرا تفری مچ گئی جب بیچ پریس کانفرنس کے دوران بندوق سے لیس ایک شخص دوڑتا ہوا آیا اور صدر کو اپنے ساتھ اندر لے گیا ۔ یہ شخص امریکی صدر کی سلامتی دستہ سیکریٹ سروس کا ایجنٹ تھا ۔ جس وقت یہ واقعہ پیش آیا اس وقت صدر ٹرمپ وہائٹ ہاؤس کے لان میں صحافیوں سے خطاب کر رہے تھے۔

واضح رہے تھوڑی دیر بعد صدر ٹرمپ واپس آ گئے اور انہوں نے بتایا کہ وہائٹ ہاؤس کے باہر کچھ گولیاں چلی ہیں اور سلامتی کے پیش نظر ایسا کیا گیا۔وہائٹ ہاؤس نےبتایا ہے کہ پیر کو صدارتی عمارت کے باہر ایک شخص نے گولیاں برسانی شروع کر دی تھیں جس کے بعد اس شخص کو مار گرایا گیا اور سلامتی کی وجہ سے صدر ٹرمپ کو پریس کانفرنس کے بیچ سے لے جانا پڑا۔

سوشل میڈیا پر ایک ویڈیو وائرل ہو رہا ہے جس میں صاف نظر آ رہا ہے کہ سیکریٹ سروس ایجنٹ نے صدر ٹرمپ سے فورا اندر جانے کے لئے کہا جس کی وجہ سےوہاں موجود لوگوں میں افرا تفری مچ گئی۔واضح رہے کہ دس منٹ بعد صدر ٹرمپ واپس آئے اور انہوں نے واقعہ کے بارے میں بتاتے ہوئے کہا کہ حالات قابو میں ہیں۔

صدر ٹرمپ نے کہا ہے کہ انہیں سیکریٹ سروس پر پورا اعتماد ہے ۔ ابھی یہ پتہ نہیں لگ پایا ہے کہ وہائٹ ہاؤس کے باہر گولی چلانے والا شخص کیوں وہائٹ ہاؤس میں داخل ہونے کی کو شش کر رہا تھا ۔اس واقعہ کے بعد وہائٹ ہاؤس کے باہر سیکیورٹی انتظامات میں اضافہ کر دیا گیا ہے۔

next