الفاظ سے نہیں ان کے عمل سے طالبان کو پرکھا جائے گا: برطانوی وزیراعظم

برطانیہ اپنے دوست ممالک اور اتحادی افغان عوام کے ساتھ کھڑا ہے اور سب کو افغان عوام کے شانہ بشانہ کھڑے ہوکر مدد کرنا ہوگی۔

فائل تصویر آئی اے این ایس
فائل تصویر آئی اے این ایس
user

یو این آئی

برطانوی وزیر اعظم بورس جانسن نے افغانستان کی صورتحال سے متعلق کہا ہے کہ 20 سال میں حاصل کامیابیوں کے تحفظ کے لیے ہر سفارتی ذریعہ استعمال کریں گے اور افغانستان کی موجودہ صورتحال پر پوری نظر رکھیں گے۔

برطانیہ کے وزیر اعظم بورس جانسن نے مائیکرو بلاگنگ ویب سائٹ ٹوئٹر پر یہ بات کہی۔ انہوں نے اپنے ٹوئٹ میں کہا کہ افغان طالبان کو ان کے عمل سے پرکھا جائے گا، الفاظ سے نہیں۔ بورس جانسن نے کہا کہ برطانیہ اپنے دوست ممالک اور اتحادی افغان عوام کے ساتھ کھڑا ہے اور سب کو افغان عوام کے شانہ بشانہ کھڑے ہوکر مدد کرنا ہوگی۔


بورس جانسن نے اپنے ٹوئٹ میں کہا کہ 20 سال میں حاصل کامیابیوں کے تحفظ کے لیے ہر سفارتی ذریعہ استعمال کریں گے۔ افغانستان کی صورتحال پر جی 7 ممالک کے ہنگامی اجلاس میں ہر پہلو پر غور ہوگا۔

واضح رہے کہ افغانستان سے امریکی اور غیر ملکی افواج کے نکلتے ہی افغان طالبان نے دارالحکومت کابل سمیت پورے افغانستان پر اپنا کنٹرول قائم کرلیا ہے، تاہم صوبہ پنج شیر پر تاحال افغان طالبان اپنا قبضہ قائم کرنے میں ناکام رہے ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔