رواں سال میکسیکو میں نویں صحافی کا قتل

آزادی اظہار کے خلاف جرائم کے لیے میکسیکو کے خصوصی پراسیکیوٹر کے دفتر نے گزشتہ پانچ برسوں میں میڈیا کے 1140 سے زیادہ جرائم کھولے ہیں، جن میں سے صرف 10 کو سزا سنائی گئی ہے۔

میکسیکو کی فائل تصویر آئی اے این ایس
میکسیکو کی فائل تصویر آئی اے این ایس
user

یو این آئی

میکسیکو کے نیوز پورٹل فیوینٹس فیڈیگناس کے بانی لوئس اینریک رامریز کی لاش مغربی ریاست سینالووا کے شہر کلیاکن کے مضافات میں مشتبہ حالت میں ملی ہے۔

ریاست کی اٹارنی جنرل سارہ کوئنونیز نے جمعہ کو یہ اطلاع دی۔ انہوں نے ٹویٹر پر کہا، "بدقسمتی سے اس بات کی تصدیق ہو گئی ہے کہ صحافی لوئس اینریک رامیریز راموس کی لاش ایل رانچیٹو ہائی وے پر ایک کچی سڑک پر ملی۔ ہم ان کے اہل خانہ کے تئیں اپنی گہری تعزیت کا اظہار کرتے ہیں اور معاملے کی تحقیقات کا عزم کرتے ہیں۔" رامیرز 2022 میں میکسیکو میں قتل ہونے والے نویں صحافی ہیں۔


آزادی اظہار کے خلاف جرائم کے لیے میکسیکو کے خصوصی پراسیکیوٹر کے دفتر نے گزشتہ پانچ برسوں میں میڈیا کے 1140 سے زیادہ جرائم کھولے ہیں، جن میں سے صرف 10 کو سزا سنائی گئی ہے۔ استثنیٰ کی شرح 99 فیصد سے زیادہ ہے۔

انسانی حقوق کی تنظیم آرٹیکلو 19 کے مطابق 2021 میں میکسیکو میں سات صحافیوں کو قتل کیا گیا جو کہ دنیا میں سب سے زیادہ ہے۔ ملک میں گزشتہ تین برسوں میں لگ بھگ 33 صحافی مارے جا چکے ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔