روس سے کاروبار کو لے کر ناٹو سربراہ کا ہندوستان، چین اور برازیل کو انتباہ، 100 فیصد ٹیرف لگانے کی دی دھمکی

 ’ناٹو‘ کے سکریٹری جنرل نے انتباہ کیا ہے کہ اگر برازیل، چین اور ہندوستان جیسے ملک روس کے ساتھ اپنا کاروبار کرنا جاری رکھتے ہیں تو ان پر بھی اقتصادی پابندی (سکنڈری سیکشنس کی شکل میں) عائد کی جا سکتی ہے۔ امریکی صدر ٹرمپ نے بھی ایک دن پہلے ہی یوکرین کے لیے ناٹو کے توسط سے نئے اسلحوں کا اعلان کیا تھا اور ساتھ میں 50 دنوں میں امن سمجھوتہ نہیں ہونے کی حالت میں روس سے سامان خریدنے والے ملکوں پر 100 فیصد سکنڈری ٹیرف عائد کرنے کی دھمکی دی تھی۔

ٹرمپ کے اس اعلان کے اگلے دن ناٹو کے سکریٹری جنرل امریکی کانگریس میں سینیٹروں کے ساتھ میٹنگ کو خطاب کر رہے تھے اور یہیں پر انہوں نے برازیل، چین اور ہندوستان جیسے ملکوں کو یہ دھمکی دی۔

’ناٹو‘ کے سکریٹری جنرل مارک روٹ نے پیر کو صدر ٹرمپ سے ملاقات کی تھی۔ انہوں نے بدھ کو صحافیوں سے کہا، ’’ان تینوں ملکوں کے لیے میری حوصلہ افزائی، خاص طور سے یہ ہے کہ اگر آپ ابھی بیجنگ میں رہتے ہیں، یا دہلی میں ہیں یا آپ برازیل کے صدر ہیں، تو آپ شاید اس پر غور کرنا چاہیں گے، کیونکہ یہ آپ کو بہت بھاری پڑ سکتا ہے۔‘‘

روٹ نے آگے کہا، ’’تو براہ کرم ولادیمیر پوتن کو فون کریں اور ان کو بتائیں کہ انہیں امن مذاکرات کے بارے میں سنجیدہ ہونا ہوگا، نہیں تو اس کی الٹی مار برازیل، ہندوستان اور چین پر بڑے پیمانے پر جھیلنی ہوگی۔‘‘

روٹ نے کہا کہ یورپ یہ یقینی کرنے کے لیے رقم جٹائے گا کہ امن مذاکرات میں یوکرین سب سے اچھی حالت میں ہو، انہوں نے کہا کہ ٹرمپ کے ساتھ معاہدے کے تحت امریکہ اب یوکرین کو بڑے پیمانے پر اسلحہ کی سپلائی کرے گا نہ صرف فضائی دفاع، میزائلیں، یورپی لوگوں کے ذریعہ ادائیگی کیے گئے گولہ بارود بھی۔

دوسری طرف ریپبلکن امریکی سینیٹر تھام ٹیلیس نے اقدامات کے اعلان کے لیے ٹرمپ کی تعریف کی لیکن کہا کہ 50 دن کی تاخیر انہیں پریشان کرتی ہے۔ انہوں نے کہا کہ انہیں فکر ہے کہ پوتن جنگ جیتنے کے لیے 50 دنوں کا استعال کرنے کی کوشش کریں گے، یا قتل کرنے اور ممکنہ طور سے بات چیت کی بنیاد کے طور پر زیادہ زمین ہڑپنے کے بعد امن سمجھوتے پر بات چیت کرنے کے لیے بہتر حالت میں ہوں گے۔

قابل ذکر ہے کہ ’ناٹو‘ جس کا پورا نام نارتھ اٹلانٹک ٹریٹی آرگنائزیشن  ہے، ایک فوجی اتحاد ہے جو 31 ملکوں ایک گروپ ہے، جس میں یورپ اور شمالی امریکہ کے ملک شامل ہیں۔