تائیوان میں زلزلہ، 4 افراد ہلاک

تائپئی: تائیوان کے ساحلی شہر هوالين میں گزشتہ روز آنے والے زبردست زلزلے میں 4 لوگوں کی موت ہو گئی، جس میں سینکڑوں دیگر افراد زخمی ہوئے ہیں۔رپورٹوں کے مطابق تقریباً 145 افراد لاپتہ ہیں۔

حکومت کی جانب سے جاری بیان میں کہا گیا ہے کہ زلزلے میں 225 افراد زخمی ہوئے ہیں۔تائیوان کے صدر جمہوریہ سائي انگ وین کے دفتر کی جانب سے جاری ہونے والے ایک بیان کے مطابق صدر نے کابینہ اور متعلقہ وزارتوں کو ڈیزاسٹر ریلیف کا کام تیز کرنے کے لئے کہا ہے۔

امریکی ارضیاتی سروے نے کہا کہ تائیوان میں کل زلزلے کے شدید جھٹکے محسوس کئے گئے جس کی شدت ریکٹرا سکیل پر 6.4 نانپی گئی تھی ۔ ادارے نے بتایا کہ اس کا مرکز سطح زمین سے ایک کلو میٹر نیچے تھا۔ زلزلے کے بعد کئی جھٹکے محسوس کئے گئے لیکن سونامی کی وارننگ نہیں دی گئی ہے۔ واضح ر ہے کہ تائیوان میں 2016 میں آنے والے زلزلے میں ایک سو سے زائد افراد ہلاک ہوئے تھے۔