ہانک کانگ نےہندوستان،پاکستان اور فلپائن کی پروازوں پر لگائی دو ہفتوں کی پابندی

کورونا وبا کےپھیلاؤ کےپیش نظر ہانگ کانگ نے فیصلہ کیا ہےکہ وہ اگلےدوہفتوں کےلئےہندوستان، پاکستان اور فلپائن سےآنےوالی پروازوں پر پابندی لگارہا ہے۔ہانگ کانگ نےان تین ممالک سےآنےوالی تمام پرواز یں معطل کر دی ہیں۔ہانک کانگ کےذمہ داران اس کی وجہ کووڈ19 کے ایشیائی ممالک میں نئے N501Yمیوٹینٹ پائے جانا بتا رہے ہیں۔یہ پابندی 20 اپریل یعنی کل سےلگےگی۔

ہانک کانگ حکومت نے کہا ہےکہ گزشتہ 14دنوں میں کئی ایسےمعاملات رپورٹ ہوئےہیں جس سے یہ ظاہر ہو تا ہے کہ ان ممالک سےاس نئے اسٹرین کےکئی معاملہ سامنےآئےہیں اس لئے ان ممالک کو ’انتہائی خطرےکےخانے‘ میں رکھاگیاہے ۔واضح رہے ہانک کانگ شہر میں اتوارکوکورونا وائرس کے30 نئےمعاملے سامنےآئےجن میں سے 29 باہر سےآئےہوئےہیں ۔یہ تعداد15 مارچ کے بعد سب سے زیادہ ہے۔ہانک کانگ میں ابھی تک کوروناکے11,600 کیسز رپورٹ ہوئےہیں اور 209 لوگوں کی موت ہوئی ہے۔

ہانک کانگ کی انتظامیہ اپنےشہریوں سےٹیکہ لگوانے کےلئےزور دےرہی ہے لیکن ابھی تک صرف نو فیصد عوام نےٹیکہ لگوایا ہے۔حکومت نےگزشتہ ہفتہ ٹیکہ لگوانے کادائرہ بڑھاتے ہوئے اس میں16 سے 29 سال کی آبادی کو بھی شامل کیا ہے۔

واضح رہےپروازوں کی اس پابندی سے جو ایئر لائنس متاثر ہوں گی اس میں کیتھے پیسیفک،ہانککانگ ایئرلائنس، وستارا اور کیبو پیسیفک شامل ہیں۔