وائٹ ہاؤس کے چیف میڈیکل ایڈوائزر ڈاکٹر انتھونی فاؤچی کورونا وائرس سے متاثر

وائٹ ہاؤس کے چیف میڈیکل ایڈوائزر ڈاکٹر انتھونی فاؤچی کا کورونا جانچ میں پازیٹو پائے گئے ہیں ۔ خلیج ٹائمز نے جمعرات کو اپنی رپورٹ میں یہ اطلاع دی

تصویر سوشل میڈیا
تصویر سوشل میڈیا
user

یو این آئی

واشنگٹن: وائٹ ہاؤس کے چیف میڈیکل ایڈوائزر ڈاکٹر انتھونی فاؤچی کا کورونا جانچ میں پازیٹو پائے گئے ہیں ۔ خلیج ٹائمز نے جمعرات کو اپنی رپورٹ میں یہ اطلاع دی۔

اطلاعات کے مطابق 81 سالہ فاؤچی کو ویکسین کے تمام ڈوز لگ چکے ہیں ۔ انہیں بوسٹر کی دو خوراکیں بھی دی گئی ہیں ۔ فاؤچی کو اس وقت کورونا کی ہلکی علامات ہیں۔ وہ ریپڈ اینٹیجن ٹیسٹ میں پازیٹو پائے گئے ہیں۔

فاؤچی حالیہ دنوں میں صدر جو بائیڈن یا کسی دوسرے سینئر سرکاری افسر کے رابطے میں نہیں رہے ہیں۔ نیشنل انسٹی ٹیوٹ آف ہیلتھ (این آئی ایچ) کے ایک بیان میں کہا گیا ہے کہ وہ کورونا وائرس کے رہنما خطوط اور اپنے ڈاکٹر کے مشورے پر عمل کر رہے ہیں اور صحت یاب ہونے کے بعد ہی کام پر واپس آئیں گے۔


واضح رہے کہ ڈاکٹر فاؤچی صدر بائیڈن کے چیف میڈیکل ایڈوائزر اور نیشنل انسٹی ٹیوٹ آف الرجی اینڈ انفیکشن ڈیزیز کے ڈائریکٹر ہیں ۔ وہ سابق صدر ڈونلڈ ٹرمپ کے دوراقتدار میں بھی وائٹ ہاؤس کی کورونا وائرس ٹاسک فورس کے اہم رکن بھی رہ چکے ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔