آرمینیا کے میزائل حملے میں 12 افراد ہلاک: آذربائیجان

آذربائیجان میں اب تک 60 شہریوں کی موت ہوئی اور 270 لوگ زخمی ہوئے ہیں،1704 مکان تباہ ہوئے ہیں اور قریب 90 کمپلیکس اور عمارتیں تباہ ہوچکی ہیں۔

فائل تصویر سوشل میڈیا بشکریہ نیشنل ہیرالڈ
فائل تصویر سوشل میڈیا بشکریہ نیشنل ہیرالڈ
user

یو این آئی

آرمینیا اور آذربائیجان کے درمیان جاری جھڑپوں کے درمیان آذربائیجان نے کہا ہے کہ آرمینیا نے ملک کے دوسرے بڑے شہر گنجہ میں میزائل سے حملہ کیا جس کے نتیجے میں کم از کم 12 افراد ہلاک اور 40 زخمی ہوگئے۔

آذربائیجان کے صدر کے معاون معتمد حکمت حاجیف نے کہا کہ"بیلسٹک میزائل آرمینیا سے فائر کیا گیا تھا اور جس میں گنجہ شہر کو نشانہ بنایا گیا جو تنازعہ کے علاقے سے بہت دور ہے"۔ انہوں نے بتایا کہ ہنگامی امدادی دستہ کے اہلکار ملبے تلے دبے افراد کی تلاش کے لئے جد وجہد کررہے ہیں۔ اس دوران پراسکیوٹر جنرل جائے وقوعہ پر موجود تھے۔

دریں اثناء، آرمینیا کی وزارت دفاع کے ترجمان آرٹروون نے بیلسٹک میزائل حملے کی تردید کرتے ہوئے، آزربائیجان پر پہاڑی شہر اسٹیفنکارٹ سمیت ناگورنو کے اندر کچھ علاقوں میں فائرنگ کا سلسلہ جاری رکھنے کا الزام عائد کیا۔

انہوں نے ٹویٹ کیا کہ "آذربائیجان نے 11 اکتوبر کو جنگ بندی کے باوجود گولہ باری کرکے جنگ بندی کی خلاف ورزی کی تھی"۔ دوسری جانب آذربائیجان نے بھی آرمینیا پر 11 اکتوبر کو گنجہ شہر میں گولہ باری کرنے کا الزام عائد کیا تھا، جس میں متعدد افراد ہلاک ہوگئے تھے۔

آذربائیجان کے 60 لوگوں کی موت

ارمینیا اور آذربائیجان کے درمیان نارگورنو - کراباخ کی لڑائی کی شروعات سے لے کر اب تک 60 آذربائیجان شہریوں کی موت ہوگئی ہے جبکہ 270 دیگر زخمی ہوئے ہیں۔ملک کے استغاثہ جنرل دفتر نے ہفتے کو یہ اطلاع دی۔

ایک سرکاری ویب سائٹ پر شائع ایک انفوگرافک کے مطابق،’’ آذربائیجان میں اب تک 60 شہریوں کی موت ہوئی اور 270 لوگ زخمی ہوئے ہیں،1704 مکان تباہ ہوئے ہیں اور قریب 90 کمپلیکس اور عمارتیں تباہ ہوچکی ہیں۔

next