پروازوں کے بعد بنگلہ دیش نے ہندوستان کے ساتھ اپنی سرحد بھی سیل کی

ہندوستان میں گزشتہ تین دنوں میں تقریبا ایک ملین افراد کورونا سے متاثر ہوئے ہیں اور ہندوستانی حکومت کورونا مریضوں کے لئے آکسیجن کی فراہمی کے لئے جدوجہد کر رہی ہے۔

فائل تصویر آئی اے این ایس 
فائل تصویر آئی اے این ایس
user

یو این آئی

بنگلہ دیش کی حکومت نے اتوار کے روز اعلان کیا کہ ہندوستان میں کورونا کی بگڑتی ہوئی صورتحال کی وجہ سے ہمسایہ ملک کے ساتھ سرحد کو کل سے دو ہفتوں کے لئے بند کرنے کا فیصلہ کیا گیا ہے۔

اس سے قبل بنگلہ دیش نے کورونا کی وجہ سے ہندوستان کے ساتھ تمام پروازیں ملتوی کردی تھیں۔وزیر خارجہ اے کے عبدالمومن اتوار کے روز 'یو این آئی ' کو بتایا کہ ہندوستان میں کورونا انفیکشن کی شدید صورتحال کے پیش نظر سرحد بند کرنے کا فیصلہ کیا گیا ہے۔ مسٹر مومن نے کہا کہ یہ حکم ہندوستان سے آنے والی سامان بردار گاڑیوں پر لاگو نہیں ہوگا۔

انہوں نے کہا کہ ہندوستان میں گزشتہ تین دنوں میں تقریبا ایک ملین افراد کورونا سے متاثر ہوئے ہیں۔ ہندوستانی حکومت کورونا مریضوں کے لئے آکسیجن کی فراہمی کے لئے جدوجہد کر رہی ہے۔

واضح رہےاس سے پہلے کئی ممالک نے ہندوستان کی پروازوں پر پابندی عائد کر دی تھی۔ سب سے پہلے ہانک کانگ نے یہ قدم اٹھایا تھا جس کے بعد متحدہ عرب امارات نےایسا کیا تھا۔ ملک میں کورونا سے حالات بہت خراب ہو رہےہیں اور کل کورونا کے ساڑے تین لاکھ سے زیادہ نئے معاملہ رپورٹ ہوئے ہیں اور مرنے والوں کی تعداد 28 سو زیادہ تھی۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔