غیر ملکی افواج کے انخلاء سے خانہ جنگی کا امکان: افغان اسپیکر

رحمانی نےکہاہےکہ فی الحال ملک سے غیر ملکی افواج کے انخلا کے لئے حالات مناسب نہیں ہیں اور غیر ملکی افواج کے انخلا سے حالات مزید خراب ہوں گے اور خانہ جنگی شروع ہونے کا امکان ہے۔

فائل تصویر آئی اےاین ایس
فائل تصویر آئی اےاین ایس
user

یو این آئی

اس اعلان کےبعد کہ افغانستان سےغیر ملکی افواج کا انخلا جلد شروع ہ جائے گا افغان پارلیمنٹ کے ایوان زیریں کے اسپیکر رحمان رحمانی نے اس یقین کا اظہار کیاہے کہ ملک سے غیر ملکی افواج کا مکمل انخلاء خانہ جنگی کا باعث بن سکتا ہے۔

افغان خبررساں ایجنسی طلوع نیوز نے مسٹر رحمان رحمانی کے حوالے سے بتایا کہ " فی الحال، ملک سے غیر ملکی افواج کے انخلا کے لئے حالات مناسب نہیں ہیں۔ موجودہ صورتحال میں غیر ملکی افواج کے انخلا سے حالات مزید خراب ہوں گے اور خانہ جنگی شروع ہونے کا امکان ہے۔

جرمنی کے دفاع نے توقع کی ہے کہ نیٹو افغانستان سے مشترکہ فوجی انخلا پر اتفاق کرے گا۔دریں اثناء، جرمنی کے وزیر دفاع اینگریٹ کرامپ نے بدھ کے روز توقع ظاہر کی ہے کہ نیٹو کے رکن ممالک امریکہ کے ساتھ ہی افغانستان سے فوجی دستوں کی واپسی پر رضامند ہوجائیں گے۔

اس سے پہلے منگل کے روز امریکی صدارتی انتظامیہ نے اعلان کیا تھا کہ نائن الیون حملے کی 20 سالگرہ کے موقع پر امریکہ 11 ستمبر تک افغانستان سے فوجیوں کا مکمل انخلاء کرلے گا ۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔