اہم خبر: دہلی کے صدر بازار اور جگت پوری میں آتشزدگی

نئی دہلی: راجدھانی دہلی میں اتوار کے روز صدر بازار کے پلاسٹک پیکنگ کے گودام اور جگت پوری میں دو دکانوں میں آگ لگ گئی۔ محکمہ فائر بریگیڈ کے ذرائع نے یہ اطلاع دی ہے۔ ذرائع نے بتایا کہ دن میں تقریباً تین بجے صدر بازار میں پلاسٹک پیکنگ کے سامان اور کھلونوں کے گودام میں آگ لگنے کی اطلاع ملی۔ اس کے بعد فائر بریگیڈ کی 12 گاڑیاں موقع پر روانہ کی گئیں۔ اس آگ پرتقریباً ڈیڑھ کی مشقت کے بعد قابو پایا گیا۔ اس واقعہ میں جانی نقصان یا کسی کے زخمی ہونے کی کوئی اطلاع نہیں ہے۔ آگ کے اسباب کا پتہ نہیں چل سکا ہے۔

ذرائع نے بتایا کہ آگ لگنے کا دوسرا واقعہ مشرقی دہلی کے جگت پوری میں دو سنیٹری ہارڈ ویئر کی دکانوں میں پیش آیا۔ اس کی اطلاع دن میں تقریباً ڈھائی بجے ملی اور اس پر تقریباً ڈیڑھ گھنٹے میں قابو پایا جاسکا۔ اس میں بھی کسی کے متاثر ہونے کی کوئی اطلاع نہیں ہے اور آگ لگنے کے اسباب کا پتہ نہیں چل سکا ہے۔

امریکہ کے شہر ٹیکساس میں اتوار کے روز کالج کے طلباء کی پارٹی کے دوران ہونے والی فائرنگ میں کم از کم دو افراد ہلاک اور متعدد زخمی ہوگئے۔ مقامی میڈیا کے مطابق فائرنگ کا یہ واقعہ ٹیکساس اے اینڈ ایم کامرس یونیورسٹی کے طلباء کے زیر اہتمام ایک نجی پارٹی کے دوران پیش آیا۔ ہنٹ کاؤنٹی شراف آفس کے ڈپٹی چیف کے مطابق ، حملہ آور کی تاحال شناخت نہیں ہو سکی ہے اور نہ ہی اس حملے کے محرک کا پتہ چل سکا ہے۔ خیال کیا جاتا ہے کہ حملہ آور نے نیم خودکار ہتھیاروں سے فائرنگ کی ہے۔

واردات کے ویڈیو کے مطابق فائرنگ کے بعد کئی لوگ زمین پر لہولہان دکھائی دیئے اور متعدد لوگ بری طرح چیخ رہے تھے۔ پولس نے ابھی تک ہلاک ہونے والوں کی تعداد کی تصدیق نہیں کی ہے لیکن رپورٹ کے مطابق فائرنگ میں 10 سے 20 افراد کے زخمی ہونے کی اطلاعات ہیں جنہیں اسپتال میں داخل کرایا گیا ہے۔

کابل: شمالی افغانستان کے فاریاب صوبے میں طالبان کے ذریعہ کیے گئے بم دھماکے میں کم از کم پانچ لڑکے ہلاک ہوگئے۔ فاریاب پولس کے سربراہ نے بتایا کہ پشتون کورٹ ضلع میں طالبان نے بارودی سرنگ کا دھماکہ کیا جس کی زد میں آکر پانچ لڑکے ہلاک جبکہ ایک زخمی ہوگیا۔ فاریاب پولس کے سربراہ کے ترجمان کریم اریش نے اسپوتنک کو بتایا کہ مرنے والے سبھی لڑکے 16 سال سے کم عمر کے تھے۔ ترجمان نے مزید بتایا کہ طالبان نے پشتون کورٹ کے گدائی قلعہ علاقے میں یہ بارودی سرنگ لگائی تھی اور جس وقت بچے یہاں سے گزر رہے تھے وہ دھماکہ کے ساتھ پھٹ گئی۔ طالبان نے ابھی تک اس واقعہ سے متعلق کوئی بیان جاری نہیں کیا ہے۔

منوہر لال کھٹر نے ہریانہ کے وزیر اعلی کے طور پر دوسری مرتبہ حلف لے لیا ہے۔ ان کے ساتھ جے جے پی کے دشینت چوٹالہ نے نائب وزیر علیٰ کے عہدے کا حلف لیا۔ منوہر لال کھٹر نے دوسری مرتبہ صوبہ کے وزیر اعلیٰ کے طور پر حلف لیا ہے، وہ ایسا کرنے والے صوبہ کے پہلے غیر جاٹ رہنما ہیں۔

پہلے خیال کیا جا رہا تھا کہ کھٹر کابینہ کے وزیر بھی آج ہی حلف لیں گے لیکن آج کسی وزیر نے حلف نہیں لیا۔ حلف برداری تقریب کا انعقاد چنڈی گڑھ میں واقع راج بھون میں کیا گیا۔

حلف برداری تقریب کے دوران جے جے پی رہنما دشینت چوٹالہ کے والد اجے چوٹالہ اسٹیج پر موجود رہے۔ واضح رہے کہ اجے چوٹالہ آج ہی تہاڑ جیل سے عاضی طور پر رہا ہوئے ہیں۔

اس کے علاوہ اکالی دل کے رہنما پرکاش سنگھ بادل اور سکھبیر سنگھ بادل بھی منوہر لال کھٹر کی حلف برداری تقریب میں شریف ہوئے۔ دلچسپ بات یہ ہے کہ انتخابات کے دوران سکھبیر سنگھ بادل لگاتار کھٹر پر حملہ ور تھے۔ دراصل اکالی دل نے ہریانہ میں این ڈی اے سے اپنی راہیں علیحدہ کر رکے آئی این ایل ڈی کے ساتھ اتحاد کیا تھا اس لئے وہ کھٹر حکومت کو بھی ہدف تنقید بنا رہے تھے۔