چاقو سے حملوں میں متعدد افراد زخمی، لندن برج بند کر دیا گیا

برطانوی دارالحکومت کے مشہور مقام لندن برج کے قریب چاقو کے حملوں میں کئی افراد کے زخمی ہونے کا بتایا گیا ہے۔ پولیس نے اس واقعے کے بعد علاقے کو اپنے حصار میں لے کر لندن برج بند کر دیا ہے۔

چاقو سے حملوں میں متعدد افراد زخمی، لندن برج بند کر دیا گیا
چاقو سے حملوں میں متعدد افراد زخمی، لندن برج بند کر دیا گیا
user

ڈی. ڈبلیو

لندن میٹروپولیٹن پولیس کے ایک افسر کے مطابق جمعہ کو کیے گئے ان حملوں کے بعد پولیس کو ہنگامی طور پر طلب کیا گیا۔ چاقو سے حملے مقامی وقت کے مطابق تقریباً دو بجے دوپہر کیے گئے۔

پولیس نے جائے وقوعہ پر پہنچ کر ایک حملہ آور کو حراست میں لے لیا ہے۔ لندن پولیس کے ایک افسر نے متعدد افراد کے زخمی ہونے کا بتایا ہے جبکہ مقامی ذرائع ابلاغ زخمیوں کی تعداد پانچ بتا رہے ہیں۔ ایسی خبریں بھی سامنے آئی ہیں کہ یہ واقعہ آپسی جھگڑے کا نتیجہ ہے۔


امدادی کارروائیوں کا سلسلہ جاری ہے۔ لندن ایمبیولینس سروس بھی واردات کے مقام پر پہنچ چکی ہے۔ اس سروس نے اسے ایک بڑے واقعے سے تعبیر کیا ہے۔

سکائی نیوز ٹیلی وژن چینل نے عینی شاہدین کے حوالے سے رپورٹ کیا کہ لندن برج میں گولیاں چلنے کی آوازیں بھی سنائی دی تھیں۔ ٹی وی چینل کی رپورٹ میں بتایا گیا کہ پولیس نے موقع پر پہنچ کر مبینہ حملہ آور کو گولی مار دی ہے۔


برطانوی نشریاتی ادارے کے نمائندے نے بتایا کے اُس نے بعض افراد کو گتھم گتھا ہوتے دیکھا تو محسوس کیا کہ یہ آپس کی لڑائی ہے لیکن بعد کی رپورٹوں سے معلوم ہوا کہ چاقو کے حملے تھے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔