زرعی قوانین پر آج اپنے تحفظات سے آگاہ کریں گے کسان، حکومت سے کل پھر ہوگی بات چیت

تصویر یو این آئی
تصویر یو این آئی
user

قومی آوازبیورو

02 Dec 2020, 9:32 AM

زرعی قوانین پر آج اپنے تحفظات سے آگاہ کریں گے کسان، کل پھر ہونگے مذاکرات

مرکزی حکومت اور کسان تنظیموں کے مابین گزشتہ روز ہونے والے مذاکرات بے نتیجہ رہے، جس کے بعد کسانوں نے کہا ہے کہ ان کی تحریک اس وقت تک جاری رہے گی جب تک یہ قوانین واپس نہیں ہو جاتے۔

کسان مورچہ آج مرکزی حکومت کو زرعی قوانین کے تئیں اپنے تحفظات سے آگاہ کرائے گا۔ بھارتیہ کسان یونین (سدھ پور جتھا) کے سربراہ جگجیت سنگھ دھالی وال نے بتایا کہ ہم نے کل ہونے والی میٹنگ میں اپنا موقف پیش کیا تھا، لیکن آج ہم ان کو تحریری طور پر اپنے تحفظات پیش کریں گے۔ کل حکومت کے ساتھ ایک مرتبہ پھر مذاکرات ہوں گے اور ہر نکتے پر تفصیل سے بات چیت ہوگی۔

02 Dec 2020, 7:52 AM

آج دہلی کوچ کریں گے میوات کے کسان، دہلی۔نویئڈا سرحد بند

نئے زرعی قانون کے خلاف کسانوں کا احتجاج ساتوے دن بھی جاری ہے اور مرکزی حکومت سےکل ہوئی بات چیت میں کوئی حل نہیں نکلا ہے۔ کسانوں نے کہا ہے کہ ان کی احتجاجی تحریک جاری رہے گی۔ ادھر خبر ہے کہ آج میوات کے کسان دہلی کوچ کریں گے ۔ حکومت نے اس پیش رفت کو دیکھتے ہوئے دہلی اور نویئڈا کا چلابارڈر بند کر دیا ہے۔ ادھر خبر ہے کہ کسانوں کی تحریک کی وجہ سے کچھ ٹرینوں کو کینسل کر دیا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔