اہم خبر: لاہور ہوائی اڈے پر فائرنگ سے دو افراد ہلاک، ایک زخمی

لاہور: پاکستان میں لاہور کے اقبال انٹرنینشل ایئرپورٹ پر بدھ کو ایک نامعلوم شخص کی فائرنگ سے دو افراد کی موت ہوگئی۔ مقامی پولس نے بتایا کہ فائرنگ کرنے والے شخص کو حراست میں لے لیا گیا ہے۔

اس واقعہ میں ایک شخص زخمی بھی ہوا ہے۔ فائرنگ کے بعد وہاں مسافروں میں دہشت پھیل گئی۔ پولس نے بتایا کہ ہوائی اڈے پر احتیاط کے طور پر اڈیشنل پولس دستہ تعینات کردیا گیا ہے۔

راہل گاندھی نے کانگریس پارٹی کے عہدہ صدارت سے استعفی دے دیا ہے۔ اپنے استعفی کا اعلان کرتے ہوئے انہوں نے ٹوئٹر پر لکھا ، ’’کانگریس پارٹی کے لئے اپنی خدمات انجام دینا میرے لئے باعث فخر ہے۔ میری جماعت اور ملک نے جو عزت اور محبت مجھے بخشی اس کا میں شکر گزار ہوں۔‘‘

کرناٹک کے چنتامنی علاقے میں ایک آٹو رکشہ اور بس کے درمیان دردناک ٹکر ہو گئی۔ اس واقعہ میں 12 افراد کی موت ہو گئی جب کہ 20 سے زائد دیگر لوگ زخمی ہو گئے۔

ہندوستانی مڈل آرڈر بلے باز امباتی رائیڈو نے کرکٹ کے سبھی فارمیٹ سے ریٹائرمنٹ کا اعلان کر کے اپنے شیدائیوں کو زبردست دھچکا دیا ہے۔ امباتی رائیڈو نے اپنے ریٹائرمنٹ کا اعلان بی سی سی آئی کو لکھے ایک خط کے ذریعہ کیا ہے۔

مہاراشٹر کے رتناگری میں تورے پشتہ ٹوٹنے کے بعد علاقے میں راحت اور بچاؤ کام جاری ہے۔ اب تک 6 افراد کی لاش برآمد ہو چکی ہے جب کہ کم و بیش 20 لوگ اب بھی لاپتہ ہیں۔ قابل ذکر ہے کہ اس حادثہ میں آس پاس کے گاؤوں میں سیلاب کا نظارہ دیکھنے کو مل رہا ہے۔ این ڈی آر ایف کی ٹیم موقع پر مستعد ہے اور راحت رسانی کا کام تیزی کے ساتھ ہو رہا ہے۔

آج صبح پرانی دہلی کے حوض قاضی واقع اس مندر میں کئی لوگ پوجا کرنے پہنچے جہاں 30 جون کو مبینہ طور پر پتھر بازی کی خبریں سامنے آئی تھیں۔ یہاں دو گروپ کے درمیان فرقہ وارانہ تصادم کا ماحول پیدا ہو گیا تھا لیکن مقامی لوگوں کے ذریعہ آپسی سمجھوتہ کے بعد حالات اب معمول پر ہیں۔ آج اس مندر میں کئی لوگ پوجا کے لیے پہنچے اور پرامن ماحول میں سب کچھ انجام پایا۔

مہاراشٹر کے رتناگری میں تورے ڈیم یعنی پشتہ ٹوٹنے سے اس کے آس پاس زبردست تباہی کا منظر دیکھنے کو مل رہا ہے۔ ڈیم ٹوٹنے کے بعد کم و بیش 24 افراد لاپتہ ہیں اور 2 لوگوں کی لاش برآمد ہو چکی ہے۔ اس تباہی میں ڈیم کے نزدیک کے 7 گاؤں غرقاب ہو چکے ہیں اور وہاں سیلاب کا نظارہ ہے۔ انتظامیہ اور این ڈی آر ایف کی ٹیم موقع پر پہنچ گئی ہے اور راحت و بچاؤ کام جاری ہے۔